Baýden, Ýewropaly Liderler Bilen Russiýa-Ukraina Dartgynlygy Hakynda Pikir Alyşdy

ABŞ-nyň Prezidenti Jo Baýden, Ýewropaly liderlre bilen Russiýa-Ukraina dartgynlygy hakynda pikir alyşdy.

Ak Tamdan berlen ýazmaça beýannama görä, Baýden bilen Ýewropaly liderler wideo aragatnaşyk ulgamy arkaly duşuşyk geçirdi.

Liderler, Russiýanyň Ukraina serhedine esger ornaşdyrmaga dowam etmegine alada bildirýändiklerini nygtap, Ukrainanyň bitewiligine we özygtyýarlygyna goldaw berýändiklerini belledi.

Sebitde başdan geçirilýän dartgynlygyň diplomatiýa arkaly çözülmegini isleýändiklerini nygtan liderler, Russiýanyň Ukraina garşy berk tutum alyp barmaga dowam eden halatynda NATO-nyň Ukraina goldaw bermegi we Russiýa goýuljak agyr ykdysady sanksiýalar hakynda hem pikir alyşdy.

Wideo aragatnaşyk ulgamy arkaly geçirlen duşuşyga, ABŞ-nyň Prezidenti Jo Baýden, ÝB Komissiýasynyň başlygy Ursula Fon Der Laýen, ÝB Geňeşiniň başlygy Çarles Mişel, Fransiýanyň Prezidenti Rmmanuel Makron, Germaniýanyň Federal Kansleri Olaf Şols, Italiýanyň Premýer-ministri Dragi, NATO-nyň Baş sekretary Stoltenberg, Polşanyň prezidenti Duda we Britanyň Premýer-ministr Jonson gatnaşdy.