Howa Çalşygy Köpçülikleýin Göç Edişliklere Sebäp Bolar

Bütindünýä banky howa çalşygynyň Günorta Aziýada, Latyn Amerikada we Sahara Afrikasynda göç edişlige ýetirýän täsirini analiz etdi hem-de ilkinji gezek 2018-nji ýylda çap edilen “Aşakky tolkun” (Groundswell) habarnamasyny Demirgazyk Afrika, Gündogar Aziýa we Ýuwaş Ummany, Gündogar Ýewropa we Orta Aziýa sebitlerini öz içine aljak görnüşde giňeltdi.

Habarnama görä howa çalşygy adybir 6 sebitde barha ýaýbaňlanýan göç tolkunlarynyň ýüze çykmagyna sebäp bolmaga başlady. Howa çalşygynyň suw serişdeleriniň azalmagyna, hasyllygyň azalmagyna, deňiziň suwunyň göterilmegine ýetirýän täsirini gün saýyn artýan bolsa, ol käbir sebitlerdäki ýaşaýyş şertlerini ýaramazlaşdyrýar.

Howa çalşygynyň ýoksul we goragsyz sebitlere agyr zeper ýetirjekdigine we galkynyş depginlerine howp saljakdygyna üns çekilýän habarnamada beýan edilmegine görä, howa çalşygy 2050-nji ýyla çenli 6 sebitden 216 milliondan gowrak adamy göçmäge mejbur eder. Şol mukdar sebitleriň degişli döwür üçin çaklanylýan ilatynyň 3 göterimine barabar.

Sahara Afrikasynda 85,7 million yklym bosgunynyň ýüze çykyp biljekdigi we şol sanyň sebitiň ilatynyň 4,2 göterimine deň gelýändigi hasap edilýär.

Gündogar Aziýa we Ýuwaş Umman sebitinde 48,4, Günorta Aziýada 40,5 million, Demirgazyk Afrikada 19,3 million, Latyn Amerikada 17,1 million, Gündogar Ýewropada we Orta Aziýada 5,1 million adamyň howa çalşygy sebäpli üçerki göçe mejbur boljakdygy çaklanylýar.