Yragyň Prezidenti Ýurduň Dolanşyk Ulgamynda Özgertmeleriň Edilmelidigini Aýtdy

Yragyň Prezidenti Berhem Salih ýurdun bar bolan dolanşyk ulgamy bilen dolandyrylyp bilinmejekdigini beýan edip, 10-njy oktýabrdaky möhletinden irki saýlawlaryň we konstitutsiýanyň tekstiniň özgerdilmeginiň öwrülşik nokady boljakdygyny aýtdy.

Berhem Saligh Bagdaýda “Çözgütler” atly Rafideýn forumynyň açylyşynda sözlän sözünde 10-njy oktýabrda geçiriljek möhletinden irki saýlawlar hakynda durup geçdi.

Syýasy güýçleriň we jemgyýetiň esasy böleginiň oňyn taraplarynyň bardygyna garamazdan konstitutsiýanyň özgerdilmegini isleýändigini beýan eden Salih; “Yragy mundan beýläk şu konstitutsiýa we bar bolan dolanşyk ulgamy bilen dolandyrmak mümkin däl. Möhletinden irki saýlawlar we konstitutsiýanyň özgerdilmegi ýurtdaky hyzmatlaryň hiliniň ýokarlandyrylmagy hem-de şertleriň gowulanmagy üçin öwrülşik nokady bolmaly. Saýlawlar bar bolan çökgünlikleriň çözülmegi üçin pursatdyr” diýdi.

Soňky 100 ýylda Yraga messep we etniki sebäplerden dürli gyrgynçylyklaryň hem-de zulumlaryň başdan geçirilendigini nygtan Salih, 2003-nji ýyldan soň hem ýurtda terrorizm we daşardan goşulyşma meselelerine sezewar bolandyklaryny aýtdy.