ABŞ-nyň Florida ştatynda çöken bina sebäpli ýogalanlaryň sany 54 adama ýetdi
Heläkçilikde ýogalan adamlar jaýlanmaga başlandy
ABŞ-nyň Florida ştatynyň Maýami şäherinde 24-nji iýunda pajyga başdan geçirildi. Bir bölegi çöken 13 gatly bina onlarça adamyň ýogalmagyna sebäp boldy.
Ýumrulan binanyň harabalyklarynyň aşagyndan ýene-de 8 adamyň jesedi çykaryldy. Şeýlelik bilen jemi ýogalanlaryň sany 54 adama ýetdi.
Emma harabalyklaryň aşagyndadygy çak edilýän takmynan 100 adam bolsa entegem tapylanok.
Resmiler tarapyndan berilen beýanatlar bolsa maşgalalary gam-gussa bogdy. Resmiler: "Harabalyklaryň aşagynda galan adamlaryň diridikleri barada umydymyz ýok" diýip bellediler.
Gözleg we halas ediş işleriniň ýerine indi arassaçylyk işleri geçirilýär.
Heläkçilikde ýogalan adamlar jaýlanmaga başlandy.
4 adamdan ybarat bolan Guara maşgalasy üçin jynaza çäresi geçirildi.
52 ýaşyndaky Markus, 42 ýaşyndaky Ana we olaryň gyzlary bolan 10 ýaşyndaky Lusia we 4 ýaşyndaky Emma üçin jynaza çäresi geçirildi.
Degişli Habarlar
Russiýa Donetsk sebitindäki Nowokalinowo basyp aldy
Russiýa Donetsk sebitindäki Nowokalinowo ýaşaýyş zolagyny ele geçirendiklerini habar berdi
Ispaniýa, Malta, Irlandiýa we Sloweniýa Palestinany Ykrar Eder
Borrel,Palestinany ykrar etjek Ýewropa ýurtlary hakynda durup geçdi.