Katar, Türkiýe-Katar Ýokary Derejeli Strategik Komitetiň Maslahatynyň Netijelerinden Hoşal

Kataryň Ministrler kabineti, Türkiýe-Katar ýokary derejeli strategik komitetiň maslahatynyň netijelesinden hoşal.

Kataryň resmi QNA habarlar gullugynyň berýän habaryna görä, Kataryň ministrler kabinetiniň hepdelik mejlisinde, Prezident R. T. Erdogan bilen Kataryň Emiri Şyh Temim Bin Hamed Al Saniniň ýolbaşçylygynda geçen hepde Ankarada geçirlen Türkiýe-Katar ýokary derejeli strategik komitetiň 6-njy maslahatynyň netijelerine hoşallyk bildirildi.

Ministrler kabinetiniň mejlisinde, komitetiň gepleşikleriniň iki ýurduň arasyndaky güýçli strategik gatnaşyklaryň görkezijisidigi we gepleşiklerde dürli ugurlar boýunça özara gatnaşyklaryň ösdürilmeginiň seljerlendigi nygtaldy.

Türkiýe bilen Kataryň arasynda dürli ugurlarda gün saýyn pugtalanmak bilen dowam edýän özara gatnaşyklaryň çäginde 26-njy noýabrda Türkiýe-Katar ýokary derejeli strategik komitetiň 6-njy maslahaty paýtagt Ankarada geçirlipdi.

Maslahatyň çäginde Prezident Erdogan bilen Kataryň Emiri Al Saniniň gatnaşmagynda iki ýurduň arasynda 10 şertnama baglaşylypdy.