Eýranyň günbatarynda ýaragly çaknyşyk boldy
IRNA çaknyşyklar bilen bagly beýanat berdi
Eýranyň günbataryndaky Kamýaran we Meriwan etraplarynda, Ynkylap goragçylaryna degişli howpsuzlyk güýçleri bilen ýaragly toparlaryň arasynda bolan çaknyşykda guramanyň 3 agzasy öldürildi.
Eýranyň resmi IRNA habarlar agentliginde berilen beýanata görä, Ynkylap goragçylaryndan berilen ýazmaça beýanatda: "Bu hepde Kamýaran we Meriwan etraplarynda hökümete garşy bolan toparlara garşy geçirilen 2 aýry üstünlikli operasiýada 3 terrorçy öldürildi, guramanyň 3 agzasy bolsa ýaralandy. Ýaralananlaryň biri howpsuzlyk güýçleri tarapyndan ele salyndy" diýip habar berildi.
Operasiýanyň barşynda köp mukdarda ýarag, ok-däri we aragtnaşyk enjamlary ele salyndy, tussag edilen guramanyň agzasynyň daşary ýurtlydygy mälim edildi.
Eýranyň demirgazyk-günbatarynda ýerleşýän Günbatar Azerbaýjan welaýatynda düýn howpsuzlyk güýçleri bilen terror guramasy PKK-nyň Eýrandaky şahasy PJAK we gaçgak bir toparyň arasynda bolan 2 aýry ýaragly çaknyşykda Eýranly 2 esgeriň ýogalandygy beýan edilipdi.