Özbegistanda koronawirus epidemiýasy sebäpli ýene-de 4 adam ýogaldy

Täze görnüş koronawirus epidemiýasy sebäpli dünýä derejesinde ýogalanlaryň sany 689 müň 590 adamdan, wirus ýokanlaryň sany 18 million 56 müň adamdan, saglyk ýagdaýy gowulaşanlaryň sany bolsa 11 million 352 müň adamdan geçdi. 

Soňky 24 sagatda wirus sebäpli 4 adamyň ýogalan Özbegistanda, şeýlelik bilen koronawirus epidemiýasy sebäpli ýogalanlaryň sany jemi 148 adama ýetdi. Ýurtda Kovid-19-a ýolugan adamlaryň sany bolsa 471 adam artyp, 25 müň 40 adama ýetdi. 

Dünýäde wirusa ýolugan adamlaryň sanynyň köplügi boýunça 3-nji orunda durýan Hindistanda Kovid-19 sebäpli ýogalanlaryň sany 37 müň 452 adama, wirus ýokanlaryň sany bolsa 1 million 757 müň adama ýetdi. Beýleki tarapdan ýurdyň Içeri işler ministri Amit şah, Kovid-19 testiniň položitel çykandygyny habar berdi. 

Russiýada koronawirus epidemiýasy sebäpli ýogalanlaryň sany 14 müň 128 adama, wirus ýokanlaryň sany bolsa 850 müň 870 adama ýetdi. 

Hytaýda şu günki güne çenli ýogalanlaryň sany 4 müň 634 adam ýogaldy, soňky 24 sagatda wirus ýokan adamlaryň sany 49 adam artyp, 84 müň 385 adama ýetdi. 

Koronawirus epidemiýasy sebäpli 301 raýaty ýogalan Günorta Koreýada wirus ýokan adamlaryň sany soňky 24 sagatda 30 adam artyp, 14 müň 366 adama ýetdi. 

Yrakda Kovid-19 sebäpli soňky 24 sagatda ýene-de 64 adamyň ýogalmagy bilen, ýurtdaky adam ýitgisi şeýlelik bilen 4 müň 805-e ýetdi. Ülkede wirus ýokanlaryň sany bolsa 2 müň 94 adam artyp, 126 müň 704 adama ýetdi. 

Koronawirus epidemiýasy sebäpli 17 müň 190 adamyň ýogalan Eýranda, 1999-njy ýylda alynan "Ataşyň Gelini" filmi bilen meşhur bolan režissýor Hüsrew Sinai, 79 ýaşynda koronawirusa garşy bejergi alýan Tähran şäherindäki Emir Alem hassahanasynda ýogaldy. 

Ysraýylda wirus sebäpli ýogalanlaryň sany 512 adama, koronawirusa ýoluganlaryň sany bolsa 70 müň 970 adama ýetdi. Ýurtda Iýerusalim işleri ministri Rafi Peretziň hem Kovid-19-a ýolugandygy mälim edildi. 

Afrika materiginde ýogalanlaryň sany 20 müň 12 adama, wirus ýokanlaryň sany bolsa 947 müň 104 adama ýetdi. Kovid-19 sebäpli Afrika materiginde iň köp adam ýitgisi Günorta Afrikada çekildi. Koronawirus sebäpli Günorta Afrikada 8 müň 153 adam, Müsürde 4 müň 834 adam, Alžirde 1223 adam, Nigeriýada 883 adam we Sudanda 752 adam ýogaldy. 

Kovid-19 epidemiýasyndan ýogalanlaryň sany Ukrainada 1 müň 725 adama, Gyrgyzystanda 1 müň 409 adama, Gazagystanda 793 adama, Ermenistanda 754 adama, Gruziýada bolsa 17 adama ýetdi.