Srebrenisa genosidiniň 9 gurbany şu gün jaýlanar
Potoçary ýadigärlik gonamçylygyna şu günki güne çenli 6 müň 643 gurban jaýlandy
Ýewropada II jahan urşundan soň başdan geçirlen iň uly adamzat pajygasy hökmünde häsiýetlendirlen Srebrenisa genosidiniň 9 gurbany şu gün jaýlanar.
Bosniýa-Gersegowinanyň gündogarynda ýerleşýän Srebrenisada 1995-nji ýylyň iýul aýynda başdan geçirlen gyrgynçylykda öldürlen we şahsyýetleri anyklanylan 9 gurban, şu gün Potoçaryýadigärlik gonamçylygynda okaljak jynaza namazyndan soň jaýlanar.
Jynaza namazynyň öňüsyrasynda geçiriljek hatyralama çäresinde Prezident R. Erdogan bilen birlikde dünýä liderleriniň, genosidiň 25-nji ýylynda ugradan wideo ýüzlenmeleri görkeziler.
Şu gün jaýlanjak gyrgynçylygyň gurbanlarynyň iň kiçisi 23 ýaşyndaky Salko İbisewiç, iň ýaşulusy bolsa 70 ýaşynda öldrlen Hasan Peziç bolar.
Potoçaryýadigärlik gonamçylygyna şu günki güne çenli 6 müň 643 gurban jaýlandy. Şu gün şol san 6 müň 652-ä ýeter.
Bosniýa-Gersegowinanyň gündogarynda ýerleşýän Srebrenisanyň 1995-nji ýylyň 11-nji iýulynda Ratko Mladiçiň serkerdeligindäki serp güýçler tarapyndan basylyp alynmagyndan soň BMG-nyň ýolbaşçylygyndaky gollandiýaly esgerlerden kömek soran bosniýaly asuda ilat, soň serp güýçlerine tabşyryldy.
Zenanlaryň we çagalaryň bosniýaly esgerleriň gözegçiligindäki etraplara gitmegine rugsat beren serpler azyndan 8 müň 372 erkegi tokaýda, fabriklerde we ammarlarda öldüripdi. Öldürlen bosniýalylar köpçülikleýin mazarlara atylypdy.
Söweşden soň gurbanlary tapmak üçin başladylan gözleg işlerinde, köpçülikleýin mazarlarda jesetleri tapylan gurbanlar, şahsiýetleri anyklanylandan soň her ýylyň 11-nji iýulynda Potoçaryýadigärlik gonamçylygynda dabaralyýagdaýda jaýlanar.