Kovid-19 dünýä ýurtlaryna howp abandyrmaga dowam edýär

Dünýäde koronawirusdan soň saglyk ýagdaýy gowulaşanlaryň sany 2 million 848 müň adamdan geçdi

1427021
Kovid-19 dünýä ýurtlaryna howp abandyrmaga dowam edýär

Dünýä derejesinde Kovid-19 sebäpli ýogalanlaryň sany 373 müň 900 adamdan, wirusa ýoluganlaryň sany 6 million 268 müň adamdan, saglyk ýagdaýy gowulaşanlaryň sany bolsa 2 million 848 müň adamdan geçdi. 

Italiýada Kovid-19 sebäpli ýogalanlaryň sany soňky 24 sagatda 75 adam artyp, 33 müň 415 adama, koronawirusa ýoluganlaryň sany bolsa 355 adam artyp 233 müň 19 adama ýetdi. 

Fransiýada epidemiýa sebäpli soňky 24 sagatda hassahanalarda ýene-de 31 adam ýogalyp, ýurtda wirus sebäpli ýogalanlaryň sany 28 müň 802 adama ýetdi. Fransiýada Kovid-19-dan soň saglyk ýagdaýy gowulaşanlaryň sany 87 adam artyp, 68 müň 355 adama ýetdi. 

Ispaniýanyň Saglygy goraýyş ministrligi, Kovid-19 sebäpli ýogalanlaryň sanynyň soňky 24 sagatda 2 adam artyp, 27 müň 127-ä ýetendigini habar berdi. Ministrlik soňky 1 hepdede 39 adamyň koronawirus sebäpli ýogalandygyny mälim etdi. Ýurdyň Premýer ministri Pedro Sançez, 7-nji iýunda möhledi doljak adatdan daşary ýagdaýyň möhledini 21-nji iýuna çenli uzaltmak üçin öňümizdäki hepde mejlise teklip hödürlejekdiklerini aýan etdi. 

Portugaliýada Kovid-19 sebäpli ýogalanlaryň sany 1 müň 410 adama, wirusa ýoluganlaryň sany bolsa 32 müň 500 adama ýetdi. Koronawirus sebäpli ýogalan adamlaryň sanynyň 87 göteriminiň 70 ýaşdan ýokarydygy bellenip, ýurtda ilkinji gezek 30 ýaşdan kiçi biriniň Kovid-19 sebäpli ýogalandygy habar berildi. 

Ilaty 600 milliondan gowrak bolan Günorta Amerika sebitinde wirus sebäpli ýogalanlaryň sany 50 müňden, wirusa ýoluganlaryň sany bolsa 1 million adam geçdi. 

Dünýäde wirusa ýoluganlaryň sany bounça ABŞ-dan soň 2-nji orunda duran Günorta Amerikadaky güýç merkezi hökmünde häsýetlendirilen Braziliýada koronawirusa ýoluganlaryň sany 514 müň 849 adama, Kovid-19 sebäpli ýogalanlaryň sany bolsa 29 müň 314 adama ýetdi. 

Günorta Amerika ýurtlaryndaky Kovid-19 sebäpli adam ýitgileri şu aşakdaky ýaly: Meksikada 9930, Peruda 4506, Ekwadorda 3358, Çilide 1054, Kolumbiýada 939, Argentinada 539, Dominik Respublikasynda 502, Panamada 336, Boliwiýada 310, Gondurasda 201, Gwatemalada 102, Kubada 83, Salwadorda 46, Gaitide 41, Nikaraguada 35, Urugwaýda 22, Wenesuelada 14, Paragwaýda 11, Kosta Rikada 10 adam. 



Degişli Habarlar