Koronawirusy ýeňenleriň sany 1 million 979 müň 600 adamdan geçdi

Dünýäde täze görnüş koronawirus epidemiýasy sebäpli ýogalanlaryň sany 325 müň 500 adamdan geçdi.  Wirusa ýoluganlaryň sany 5 million 16 müň adamdan, wirusy ýeňenleriň sany 1 million 979 müň 600 adamdan geçdi.

Epidemiýanyň merkezi ABŞ-da Kovid-19 sebäpli ýogalanlaryň sany 93 müň  590 adamdan geçdi. Nýu-Ýorkda bolsa epidemiýa sebäpli 28 müň adam ýogaldy. Nýu-Ýorkda epidemiýa sebäpli esasan garaýagyzlaryň we asly Latyn Amerikaly bolanlaryň ýogalmagy ünsleri özüne çekýär.

Epidemiýanyň Ýewropadaky merkezi Britaniýada koronawirus sebäpli ýogalanlaryň sany soňky 24 sagatda 545 adam artyp 35 müň 341 adama ýetdi. Wirusa ýoluganlaryň sany hem soňky 1 günde 2 müň 412 adam artyp 248 müň 818 adama ýetdi. Saglygy goraýyş ministri Matt Hankok, parlamentde eden çykyşynda, ýurtda Kowid-19 sebäpli ýogalanlaryň 89 göteriminiň 69 ýaşyndan ýokarda bolanlardan ybaratdygyny belledi.

Italiýada epidemiýa sebäpli ýogalanlaryň sany 162 adam artyp 32 müň 169 adama ýetdi. Hasaba alynanlaryň sany 1 müň 424 adam azalyp 65 müň 129 adama çenli aşaklady.

Ispaniýada koronawirus sebäpli 27 müň 778 adam ýogaldy, 232 müň adam hem hasaba alyndy. Hökümet Kowid-19 epidemiýasyna garşy göreşiň çäginde 6 ýaşyndan ýokardakylaryň maskasyz daşary çykmagyny gadagan etdi. Hökümet 3-5 ýaş toparyndaky çagalaryň hem maska dakmagyny maslahat berdi.

Belgiýada epidemiýa sebäpli 9 müň 150 adam ýogaldy, wirusa ýoluganlaryň sany soňky 24 sagatda 192 adam artyp 55 müň 983 adama ýetdi.

Fransiýada Kovid-19 sebäpli ýogalanlaryň sany  28 müň 22, wirusa ýoluganlaryň sany 813 adam artyp 217 müň 339 adama ýetdi.

Gollandiýada koronawirus sebäpli ýogalanlaryň sany 5 müň 748, hasaba alynanlaryň sany 44 müň 447 adama ýetdi.

Awstraliýada koronawirus sebäpli 100 adam ýogaldy.

Gresiýanyň paýtagty Afinida Kovid-19-a garşy görlen çäreleriň çäginde 2 aý ozal ýapylan metjitler ybadata ayldy.

Braziliýada Kovid-19 sebäpli 17 müň 971 adam ýogaldy, hasaba alynanlaryň sany 271 müň 628 adama ýetdi.