Ispaniýada 113 ýaşyndaky zenan koronawirusy ýeňdi
Ispaniýadaky garrylar öýüniň birinde ýaşaýan 113 ýaşyndaky zenan, koronawirusyň hötdesinden gelmegi başardy
Ýerli metbugatda, ýurdyň demirgazyk-gündogaryndaky Girona şäheriniň Olot etrabyndaky garrylar öýünde ýaşaýan zenan Maria Branýasyň birnäçe hepde ozal ýolugan koronawirusy ýeňmegi başarandygy mälim edildi.
Habarda mundan başgada, Maria Branýasyň çaga mahaly, dünýäniň iň uly epidemiýalarynyň biri bolan we 1918-1920-nji ýyllar aralygynda gabat gelinen Ispaniýa gribiniň hem hötdesinden gelendigi aýan edildi.
4-nji martda 113 ýaşan we 20 ýyl bäri garrylar öýünde galýan Branýas, Ispaniýanyň metbugatyna beren beýanatynda: "Käbir kiçiräk meselelerim bar, emma her kimdede bular ýaly meseleler bolup biler. Maňa kömek eden ähli lukmanlara minnetdarlyk bildirýärin. Bu ýerde işleýänler meniň saglyk ýagdaýym bilen gyzyklandylar, maňa gowy seretdiler" diýip habar berdi.
"Gerontology Research Group" atly jemgyýet, Branýasyň dünýäde koronawirusy ýeňen iň ýaşy uly adamdygyny öňe sürdi.
Degişli Habarlar
Eýran Täze Prezidentini Saýlamak Üçin 28-nji Iýunda Saýlaw Geçirer
Bu barasynda Eýranyň resmi habarlar gullugy IRNA habar berdi.
Owganystanda Syýahatçylara Guralan Hüjümiň Jogapkärçiligini DEAŞ Öz Üstüne Aldy
Hüjümde 3-i Ispaniýanyň, 3-i hem Owganystanyň raýaty bolan 6 adam ýogalypdy.
