Koronawirusa ýoluganlaryň sany 4 million 100 müň adamdan geçdi
"DKTR-da 19 günden bäri koronawirus kesellisi hasaba alynmady, ýurtda Kowid-19 kesellileriniň bejergisiniň doly tamamlandy"
Täze görnüş koronawirus sebäpli ýogalanlaryň sany dünýäde 280 müň, wirusa ýoluganlaryň sany 4 million 100 müň, sagalanlaryň sany bolsa 1 million 441 müň adamdan geçdi.
Koronawirus sebäpli Hytaýda 4 müň 633 adam ýogaldy, 82 müň 901 adam hasaba alyndy. Hytaý Kovid-19-a garşy göreşde Demirgazyk Koreýa kömek bermäge taýardygyny mälim etdi.
Demirgazyk Kipr Türk Respublikasynyň Daşary işler ministri we Wise-premýeri Özersaý, Bütindünýä saglygy goraýyş guramasyna hat ýazyp, DKTR-da 19 günden bäri koronawirus kesellisiniň hasaba alynmandygyny, ýurtda Kowid-19 kesellileriniň bejergisiniň doly tamamlanandygyny mälim etdi.
Ysraýylda koronawirus sebäpli 247 adam ýogaldy, 16 müň 454 adam hem hasaba alyndy.
Afrika ýurtlarynda koronawirus sebäpli ýogalanlaryň sany 77 adam artyp 2 müň 151 adama ýetdi. Afrikada soňky 24 sagatda wirusa ýoluganlaryň sany bolsa 3 müň 719 adam artyp 57 müň 746 adama ýetdi.
Kovid-19 sebäpli ýogalanlaryň sany Müsürde 503, Alžirde 494, Marokkoda 186, Günorta Afrikada 178, Nigeriýada 117, Kamerunda 108 adama ýetdi.
Täze görnüş koronawirus sebäpli ýogalanlaryň sany Eýranda 5 müň 422, Hindistanda 2 müň 101, Russiýada 1 müň 827, Saud Arabystanynda 239, Yrakda 107, Kuweýtde 49, Tunisde 45, Katarda 13, Omanda 17, Bahreýin 8 we Ýemende hem 7 adama ýetdi.
