Dünýäde koronawirus sebäpli ýogalanlaryň sany 182 müň adamdan geçdi
Epidemiýanyň merkezine öwrülen ABŞ-da wirus sebäpli 46 müň adam ýogaldy
Dünýäde täze görnüş koronawirus sebäpli ýogalanlaryň sany 182 müň, wirus ýokaşanlaryň sany 2 million 600 müň adamdan geçdi.
Epidemiýanyň merkezine öwrülen ABŞ-da wirus sebäpli 46 müň adam ýogaldy. Nýu-Ýorkda soňky 24 sagatda 474 adamyň ýogalmagy halky umytlandyrdy.
Italiýada koronawirus sebäpli ýogalanlaryň sany soňky 1 günde 437 adam artyp 25 müň 85 adama ýetdi. Hasaba alynanlaryň sany hem 10 adam azalyp 107 müň 699-a çenli aşaklady.
Fransiýada epidemiýa sebäpli soňky 24 sagatda ýogalanlaryň sany 544 adam artyp 21 müň 340 adama ýetdi. Wirus ýokaşanlaryň sany 1827 adam artyp 183 müň 268 adama ýetdi.
Germaniýada koronawirus sebäpli ýogalanlaryň sany 5 müň 127 adama ýetdi. Epidemiýa sebäpli ýogalan ýurtdaky türkleriň sany bolsa 100 adama ýetdi. Ýurtda epidemiýa garşy göreşiň çäginde maska dakmak mejbury ýagdaýda getirler.
Ruminiýada epidemiýa sebäpli 519 adam ýogaldy, 2 müň 406 adam hem hasaba alyndy. Epidemiýa garşy göreşiň çäginde goýlan käbir çeklendirmeleriň 15-nji maýdan başlap tapgyrlaýyn ýagdaýda bes ediljekdigi habar berildi.
Meksikada koronawirus sebäpli soňky 24 sagatda 145 adam ýogaldy. Ýurtda ýogalanlaryň sany 857, hasaba alynanlaryň sany bolsa 729 adam artyp 9 müň 501 adama ýetdi.
