Koronawirus ýokaşanlaryň sany 1 million 100 müň adamdan geçdi

Dünýäde koronawirus sebäpli ýogalanlaryň sany 59 müň 201, wirus ýokaşanlaryň sany 1 million 100 müň, sagalanlaryň sany bolsa 227 müň adamdan geçdi.

Italiýada koronawirus sebäpli soňky 24 sagatda 766 adam ýogaldy, epidemiýa sebäpli ýogalanlaryň sany 14 müň 681,  hasaba alynanalryň sany 119 müň 827 adama ýetdi.

Fransiýada koronawirus sebäpli ýogalanlaryň sany soňky 24 sagatda 588 adam artyp 6 müň 507, wirus ýokaşanlaryň sany 82 müň 165 adama ýetdi.

Germaniýada epidemiýa sebäpli 1208 adam ýogaldy, hasaba alynanlaryň sany 91 müň 159 adama ýetdi. Germaniýada soňky 24 sagatda ýene-de 6 türk raýaty koronawirus sebäpli ýogaldy.

ABŞ-da koronawirus sebäpli ýogalanlaryň sany 7 müň, wirus ýokaşanlaryň sany 277 müň 475 adama ýetdi. Nýu-Ýork iň köp ýitgi çeken şäher bolmagynda galýar.

Kanada-da koronawirus sebäpli ýogalanalryň sany 208, hasaba alynanlaryň sany 12 müň 549 adama ýetdi.Kanada, Yrakda NATO-nyň çäginde iş alyp barýan 500 esgerini koronawirus epidemiýasy sebäpli yzyna çagyrdy.

Täze Zelandiýada koronawirus sebäpli hasaba alynlaryň sany 950 adama ýetdi.

Braziliýada wirus sebäpli ýogalanalryň sany 359 adama ýetdi. Epidemiýa sebäpli 9056 adam hem hasaba alyndy. Prezident Bolsonaro ýurtda wirus sebäpli çekilýän ýitgilere we epidemiýa beýle ähmiýet bermeýär. Prezident Bolsonaro “Bu wirus bir ýagyş ýaly we ilatyň 70 göterimi şol ýagyşda eziler. Wirus ýokaşanlaryň çydamlylygy artar we ýurt erkin bolar” diýdi.

Meksikada koronawirus sebäpli ýogalanlaryň sany 50, hasaba alynanlaryň sany bolsa 1510 adama ýetdi.