Eşref Gani bilen Donald Tramp telefon arkaly söhbetdeşlik geçirdi
Tramp ABŞ bilen Talibanyň arasynda parahatçylyk şertnamasynyň baglaşylmagyndan hoşal
Owganystanyň Prezidenti Eşref Gani, ABŞ-nyň Prezidenti Donald Tramp bilen telefon arkaly söhbetdeşlik geçirdi.
Donald Tramp telefon söhbetdeşliginde 29-njy fewralda Katarda ABŞ bilen Talibanyň arasynda parahatçylyk şertnamasynyň baglaşylmagyndan hoşaldygyny belledi we owgan hökümetine sagbolsun aýtdy.
Tramp, parahatçylygyň üpjün edilmegi meselesinde mundan soňky etabyň dowam etdirilmeginde owgan hökümetine ynanýandygyny nygtady.
“Owganystanda parahatçylygyň üpjün edilmegi” atly şertnama 2 ýyldan bäri ABŞ bilen Talibanyň arasyndaky gepleşiklere ýer eýeçiligini edýän Kataryň paýtagty Dohada gol çekişilipdi.
Şertnama ABŞ-nyň adyndan ABŞ-nyň Owganystan boýunja ýörite wekili Zalmaý Halilzat, Talibanyň adyndan syýasy işlerden jogapkär ýolbaşçysy Molla Abdulgani Berader gol çekipdi.
Şertnama laýyklykda ABŞ bilen hyzmatdaşlary Owganystandaky esgerleriniň sanyny 135 günde 8600-a çenli azaldar. Taliban beren wadynda duran halatynda ABŞ we hyzmatdaşlary esgerlerini 14 aýyň dowamynda dolulygyna ýurtdan çykarar.
Şertnama laýyklykda şeýle hem 5-nji marta Owgan hökümeti bilen Talibanyň arasynda geçiriljek syýasy gepleşiklere çenli Talibanly 5 müň adam bilen garşy tarapdan müň tussagly boşadylar.
