Tramp, Dawosdaky maslahata gatnaşmak üçin Şweýsariýa gitdi
ABŞ-nyň Prezidenti Donald Tramp, Bütindünýä Ykdysady forumyna gatnaşmak üçin Şweýsariýa ugrady
Donald Tramp, Senatdaky wezipesinden çetleşdirilmegi bilen baglanşykly geçiriljek diňlenşikden 1 gün ozal, Bütindünýä Ykdysady forumyna gatnaşmak üçin Şweýsariýa gitdi. Tramp, Senatdaky diňlenşigiň ilkinji 2 gününde Waşingtonda bolmaz.
Trampyň Dawosa gurajak sapary bilen baglanşykly Ak Tam tarapyndan berilen ýazmaça beýanatda, Yragyň Prezidenti Berham Salih, Pakistanyň Premýer ministri Imran Han, Yragyň Kürt Awtonomiýasynyň Premýer ministri Neçirwan Barzani, Şweýsariýa Konfederasiýasynyň başlygy Simonetta Sommaruga, Ýewropa Komissiýasynyň başlygy Ursula fon der Laýen we Bütindünýä Ykdysady forumynyň esaslandyryjysy Klaus Şwab bilen aýry-aýry ikiçäk duşuşyklar geçirjekdigi habar berildi.
Dawosda ilkinji günde geçiriljek maslahatyň açylyş bölüminde myhmanlara ýüzlenip çykyş etjek Trampyň, ABŞ bilen maslahata gatnaşyjy ýurtlaryň arasyndaky söwda we ykdysady gatnaşyklar bilen bagly maglumat bermegine garaşylýar.
Trampyň, Eýran bilen başdan geçirilen harby dartgynlykdan soň Amerikan esgerleriniň ýurtdan çykarylmagyny islän Yragyň Premýer ministri bilen hem duşuşyk geçirjek bolmagy ünsleri özüne çekdi.
Degişli Habarlar
Russiýada, Talibanyň Terror Guramalarynyň Sanawyndan Çykarylmagy Teklip Edildi
Kabulow, paýtagt Moskwada žurnalistlere Owganystana hakynda beýannama berdi.
Ermenistanda Hökümete Garşy Geçirilýän Ýörişler Dowam Edýär
Ýerewanda geçirilýän hökümete garşy ýörşlerde 240-dan gowrak adam saklandy.
