Germaniýanyň metbugaty: Merkel Ankara sapar gurar
Göç tolkunyna alada bildirýän Germaniýanyň Federal Kansleri Angela Merkel, ýanwar aýynda Prezident Rejep Taýýip Erdogan bilen Ankarada duşuşyk geçirmegi meýilleşdirýär
Germaniýada çap edilýän Süddeutsche Zeitung atly gazediň berýän habaryna görä, Angela Merkel ýanwar aýynda Türkiýäniň Prezidenti Rejep Taýýip Erdogan bilen duşuşyk geçirmek üçin Ankara sapar gurar.
Duşuşykda bosgun krizisi, Siriýadaky hadysalar we Türkiýäniň esger ibermegi meýilleşdirýän Liwiýa meseleleriniň ara alynyp maslahatlaşyljakdygy aýan edildi.
Habarda, Merkeliň Türkiýe bilen ÝB-niň arasynda 2016-njy ýylda gazanylan bosgunlar bilen baglanşykly ylalaşyga alada bildirýändigi öňe sürüldi.
Merkeliň aladalanmagynyň sebäbiniň bolsa Türkiýäniň Siriýa serhedinde we grek adalarynda barha artýan bosgunlaryň sany diýip mälim edildi.
Prezident Erdogan geçen hepdäniň ýekşenbe güni Siriýanyň Idlib şäherinde artan çaknyşyklardan soň serhede tarap barha artýan bosgun tolkunynyň bardygyny, Türkiýäniň bu agyr ýüki ýeke başyna öz üstüne almak niýetiniň ýokdugyny habar berdi.
Degişli Habarlar
Garadagda Palestina Goldaw Ýörişi Geçirildi
“Gyrgynçylygy bes ediň, erkin Palestina” şygary bilen geçirlen ýörişe onlarça welosipedli gatnaşdy.
G-7-ä Agza Ýurtlar Ýakyn Gündogarda Asuda Ilatyň Ýogalmagyna Sebäp Bolýan Hüjümleri Ýazgardy
Jarnamada şeýle hem ähli taraplara asuda ilatyň goralmagy üçin çagyryş berildi.
