Talibanly başbozarlar 27 adamy zamun aldy
Terror guramasy Talibana agza terrorçylar, Owganystanyň günbataryndaky Farah welaýatynda Halk Parahatçylyk hereketiniň 27 agzasyny zamun aldy
1329595
Farahyň Içeri işler edarasynyň metbugat sekretary Muhibbullah Muhib, metbugata beren beýanatynda Halk Parahatçylyk hereketiniň 27 agzasynyň, Farah welaýatynyň Balabuluk etrabynda Talibana agza terrorçylar tarapyndan zamun alynandygyny habar berdi.
Halk Parahatçylyk hereketiniň agzalarynyň parahatçylygyň möhümdigini düşündirmek üçin welaýat-welaýat aýlanyp, halk bilen duşuşyklar geçirýändigini aýdan Muhib, zamun alynanlaryň nirdedigini bilmeýändiklerini aýan etdi.
Muhib zamun alynanlaryň azat edilmekleri üçin işleriň geçirilýändigini mälim etdi.
Taliban tarapyndan bolsa mesele bilen bagly entek beýanat berilmedi.