Owganystanda Taliban bilen howpsyzlyk güýçleriniň arasynda çaknyşyk boldy
Çaknyşykda 3 howpsyzlyk işgäri ýogaldy
Owganystanyň Gor welaýatynda Talibanly başbozarlar bilen howpsyzlyk güýçleriniň arasynda bolan çaknyşykda 3 howpsyzlyk işgäri ýogaldy.
Welaýat häkimi Nasyr Hazi metbugata beren beýanatynda, howpsyzlyk güýçleriniň Dewletýar etrabynda Talibana garşy guran operasiýasynyň çäginde çaknyşygyň bolandygyny aýtdy.
Çaknyşykda 3 howpsyzlyk işgäriniň ýogalandygyny aýdan Hazi, 9 adamyň ýaralanandygyny belledi.
Hazi, çaknyşykda 23 başbozaryň hem öldürlendigini ýatlatdy.
Welaýat häkimi operasiýada Talibanyň gözegçiligi astynda bolan birnäçe obanyň yzyna alynandygyna ünsi çekdi.
Taliban tarapyndan mesele hakynda heniz hiç hili beýanat berilmedi.
Degişli Habarlar
Russiýa Donetsk sebitindäki Nowokalinowo basyp aldy
Russiýa Donetsk sebitindäki Nowokalinowo ýaşaýyş zolagyny ele geçirendiklerini habar berdi
Ispaniýa, Malta, Irlandiýa we Sloweniýa Palestinany Ykrar Eder
Borrel,Palestinany ykrar etjek Ýewropa ýurtlary hakynda durup geçdi.
