Gruziýadaky protestler ýedi gün bäri dowam edýär

Tbilisi şäherindäki Şota Rustaweli köçesindäki parlament binasynyň öňünde düýn gije bir ýere jemlenen demonstrantlar, Gruziýanyň Içeri işler ministri Giorgi Gakharianyň wezipesinden çekilmegi baradaky talaplaryny bildirdiler. 

Tbiliside bir rus deputaty Sergeý Gawrilowyň 26-njy Ortodoks parlamentara Baş assambleýanyň maslahatyna ýolbaşçylyk etmegine nägilelik bildirip, parlament binasynyň içine girmäge synanyşan adamlaryň Içeri işler edarasynyň işgärleri tarapyndan dargadylan mahaly käbir adamlar ýaralanypdy. Demonstrantlar şol sebäpli ýurdyň Içeri işler ministriniň wezipesinden çekilmegini talap edýärler. 

Protestde halka ýüzlenen käbir guramaçylar, 21-nji iýunda Içeri işler edarasynyň işgärleri tarapyndan göz tussaglygyna alynan 300-den gowrak adamyň azat edilendigini habar berdiler.