Seçin: “ABŞ global liderligi Hytaýa aldyrdy” diýdi
Russiýanyň nebit kärhanasy Rosneftiň ýokary derejeli ýolbaşçysy Igor Seçin, ABŞ-nyň global pozisiýasyny ýitirendigini belläp, Hytaýyň ençeme ugur boýunça global liderligi öz eline alandygyny habar berdi
Igor Seçin, Sankt Peterburg Halkara Ykdysadyýet forumynda (SPIEF) eden çykyşynda, ABŞ-ny energetika pudagyny syýasy enjam edip ulanmak bilen günäkärledi.
Sanksiýalaryň we sanksiýa howplarynyň, global energetika pudagynda ýumuryjy täsir döredýändigini aýdan Seçin: “Käbirleri Russiýany energetika pudagyny syýasat üçin ulanmak bilen günäkärleýär, emma häzirki wagtda ABŞ muny ägirt uly mukdarda edýär. ABŞ-nyň energetika pudagyndaky altyn döwri, käbir başgda ýurtlar tarapyndan energetika ekspluatasiýasy ýagdaýyna öwrüldi” diýdi.
Igor Seçin, ABŞ-nyň global liderligini bolsa ýitirmäge başlandygyny belläp: “ABŞ soňky wagtlarda global pozisiýasyny ýitirdi. Hytaý ençeme ugur boýunça global liderligi öz eline aldy we 2050-nji ýyla çenli bu üstünlik 2 esse artar” diýdi.
Abraýyny ýitirmäge başlan ABŞ-nyň, garşydaşlaryna päsgel bermäge synanyşýandygyny aýdan Seçin: “Mysal üçin özüne bäsdeş bolan Demirgazyk Akym II ýaly taslamanyň öňüne böwet bolýar” diýdi.
Degişli Habarlar
Russiýa Donetsk sebitindäki Nowokalinowo basyp aldy
Russiýa Donetsk sebitindäki Nowokalinowo ýaşaýyş zolagyny ele geçirendiklerini habar berdi