Iordan Şasy şu gün Ruminiýa gurajak saparyny goý bolsun etdi

Iordan Şasy Abdullah II Ruminiýanyň Premýer ministri Wiorika Dancilanyň ýurdunyň Tel Awiw şäherindäki ilçihanasyny Iýerusalime göçürjekdikleri hakyndaky beýanatyndan soň, şu gün Ruminiýa gurajak saparyny goý bolsun etdi.

Mesele hakynda berlen ýazmaça beýanatda, “Şa Abdullahyň Ruminiýanyň Premýer ministri Wiorika Dancilanyň ýurdunyň Tel Awiw şäherindäki ilçihanasyny Iýerusalime göçürjekdikleri hakyndaky beýanatyndan soň, şu gün başlamagy meýilleşdirilýän Ruminiýa saparyny Iýerusalime goldaw bermek üçin goý bolsun edendigi” nygtaldy.

Beýleki tarapdan Ysraýylyň “Ýedioth Ahronot” gazetiniň internet saýtynda berlen habara görä, Ruminiýanyň Premýer ministri Klaus Ýohannis, Premýer ministr Dancilanyň, Ruminiýanyň Tel Awiw şäherindäki ilçihanasyny Iýerusalime göçürmek baradaky kararyny ret etdi.

Habarda Prezidentiň bu meselede hiç hili karar kabul etmändigine we Ruminiýanyň Konstitutsiýasyna görä, şeýle kararlaryň prezidentden birugsat kabul edilip bilinmejekdigine üns çekildi.

ABŞ-nyň Prezidenti Donald Trampyň 2017-nji ýylyň 6-njy dekabrynda Iýerusalymy “Ysraýylyň paýtagty” hökmünde ykrar edýändigini we ABŞ-nyň Tel Awiw şäherindäki ilçihanasyny Iýerusalime göçürjekdigini mälim etmeginden soň ilçihananyň täze binasy 2018-nji ýylyoň 14-nji maýynda resmi taýdan açylypdy