Russiýanyň Daşary işler ministri ABŞ-nyň Wenesuelanyň legal hökümetine hemle atmagyny ýazgardy
Sergeý Lawrow ABŞ-nyň Döwlet sekretary Maýk Pompeo bilen telefon arkaly söhbetdeşlik geçirdi
Russiýanyň Daşary işler ministri Sergeý Lawrow, ABŞ-nyň bir döwletiň içerki işlerine goşulyşmagynyň halkara hukugyna bap gelmeýändigini nygtady we ABŞ-nyň Wenesuelanyň legal hökümetine hemle atmagyny ýazgardy.
Russiýanyň Daşary işler ministrligi tarapyndan berlen ýazmaça beýanatda, Daşary işler ministri Sergeý Lawrowyň ABŞ-nyň Döwlet sekretary Maýk Pompeo bilen telefon arkaly söhbetdeşlik geçirendigini nygtaldy.
Beýanatda Lawrow bilen Pompeonyň Wenesuelada başdan geçirilýän soňky wakalar hakynda pikir alyşandygy bellenildi.
Beýanatda ABŞ-nyň ynsanperwer kömek bahanasy bilen Wenesuelada dartgynlyk emele getirendigi ýatladyldy we Lawrowyň Wenesuela meselesiniň BMG-nyň ýörelgelerine laýyklykda çözülmelidigine aýratyn ünsi çekendigi nygtaldy.
Russiýanyň Daşary işler ministrligi tarapyndan berlen beýanatda Lawrow bilen Pompeonyň Siriýa, Owganystan we Demirgazyk Koreýa meselesinde ýakyndan aragatnaşyk saklamak babatynda ylalaşyk gazandygyna üns çekildi.