“Howpsyz zolak meýilnamasy ilkinji nobatda Siriýanyň territorial bitewiliginiň çäginde seljerilmeli"

Russiýanyň Daşary işler ministri Sergeý Lawrow, Siriýada Ýefrat derýasynyň gündogarynda döredilmegi gün tertibine getirlen howpsyz zolak meselesinde Türkiýe bilen birlikde Siriýanyň goňşulary we sebitdäki beýleki ýurtlaryň howpsyzlygyna we bähbitlerine üns berjekdiklerini aýtdy.

Lawrow paýtagt Moskwada Anadoly habarlar gullugynyň ABŞ-nyň Prezidenti Donald Trampyň gün tertibine getiren we Türkiýäniň ilkinji etapda oňyn garaýan meýilnamasy hakyndaky soraglaryna jogap berdi.

Ady agzalýan meýilnamany Siriýanyň territorial bitewiliginiň çäginde seljerjekdiklerini aýdan Sergeý Lawrow, “Meýilnama ilkinji nobatda Siriýanyň territorial bitewiliginiň çäginde seljerilmeli. Bu mesele elbetde Prezident R. T. Erdogan bilen Prezident Wladimir Putiniň arasyndaky duşuşykda ara alnyp maslahatlaşylar” diýdi.

Lawrow Siriýanyň territorial bitewikiginiň goralyp saklanmagynyň ähmiýetine ünsi çekdi.