Ispaniýada otly relsden çykdy
Ispaniýanyň gündogaryndaky Kataloniýa sebitiniň Barselona şäherinde otlynyň relsden çykmagy netijesinde azyndan 1 adam ýogaldy, 5-siniň ýagdaýy agyr 10 adam bolsa ýaralandy
1091406
Kataloniýanyň radiosy RAC1-iň beren habaryna görä, ýerli wagt bilen sagat 06:15-de R4 liniýasynda, Manresa-Sent-Winsent de Kalders gatnawyny amala aşyrýan otlynyň 2 wagony relsden çykdy.
Ispaniýanyň Otly dolandyryş edarasy Renfeniň metbugat geňeşçisi Antonio Karmona, wakada köp sanda adamyň ýaralandygyny belläp, Raýat goranyş toparynyň resmileriniň wakada ilkinji kesgitlemere görä 1 adamyň ýogalandygyny, 5-siniň ýagdaýy agyr jemi 10 adamyň bolsa ýaralanandygyny aýdandyklaryny beýan etdi.
Wakanyň bolan ýerine 14 ýangyn söndüriji ulagyň, 8 tiz kömek ulagynyň we polisiýa işgärleriniň gönükdirilendigi, ýaralanan adamlaryň bolsa golaýdaky hassahanalara alynyp gidilendigi habar berildi.
