Microsoft rus hakerleriň kiber hüjümine päsgel berendiklerini mälim etdi

Kärhana rus hakerleriň Respublikançylara ýakyn bolan guramalardan maglumat almaga synanyşandygyny, emma bu hüjümiň öňüni alandyklaryny habar berdi.

Kärhananyň resmileri hakerleriň Russiýanyň hökümeti bilen ýakyn gatnaşdykdadygyny nygtadylar.

Hüjümiň ABŞ-de noýabr aýynda geçiriljek saýlawlaryň netijesine Russiýanyň täsir ýetirmek isleýändiginiň görkezijisidigini beýan etdiler.  

Russiýa bolsa bu öňe sürmeleriň nädogrydygyny belledi.

Kremliň metbugat geňeşçisi Dmitriý Peskow kärhanany hiç hili delil görkezmezlik bilen günäkärledi.

Peskow: “Haýsy hakerler barada aýdýandygyňyzy bilmeýäris, saýlawlaryň netijesine nähili täsir ýetirip bolýandygyny hem bilmeýäris” diýdi.