Hytaý Koreýa döwletleriniň liderleriniň maslahatyna goldaw berdi

Hytaýyň Daşary işler ministrliginiň metbugat geňeşçisi Lu Kang beren ýazmaça beýanatynda Günorta Koreýa bilen Demirgazyk Koreýanyň Phenýanda öňümizdäki aý Koreýalar arasy liderler maslahatynyň geçirilmegi baradaky kararyna hoşallyk bildirýändiklerini belläp, taraplaryň bu babatdaky tagallalaryny takdyr edýändiklerini beýan etdi.

“Günorta Koreýanyň we Demirgazyk Koreýanyň liderleriniň Phenýan maslahatynyň meselesiz geçmegini we netijeleriň alynmagyny umyt edýäris” diýen Lu Kang bu maslahatyň Koreýa ýarym adasynyň ýadrodan saplanmagyna itergi berjekdigine we syýasy çözgüt etabyna goldaw berjekdigine ynanýandyklaryny nygtady.

Hytaýyň Daşary işler ministrliginiň metbugat geňeşçisi Lu Kang taraplaryň ýokary derejeli saparlaryny dowam etdirmeklerini, Phanmundžom deklarasiýasynyň durmuşa geçirilmegini, ylalaşyklaryň we hyzmatdaşlygyň ösdürilmegini goldaýandyklaryny mälim etdi.

Iki ýurdyň serhetleriniň arasynda ýerleşýän Phanmundžom Parahatçylyk obasynda birnäçe gün ozal duşuşyk geçiren Günorta Koreýanyň we Demirgazyk Koreýanyň resmileri öňümizdäki aý Phenýanda Koreýalar arasy bir maslahatyň geçirilmegi babatynda ylalaşandyklaryny habar berdiler.

Maslahatyň anyk taryhy barada bolsa maglumat berilmedi.

Sentýabr aýynda maslahat geçirilen halatynda liderler şu ýyl 3-nji gezek duşuşyk geçiridikleri bolýar.