Gazadaky protestlerde ýogalan adamlaryň sany artdy
Gabaw astyndaky Gaza serhedinde 30-njy martdan bäri dowam edýän demonstrasiýalarda ysraýylly esgerler tarapyndan öldürilen palestinalylaryň sany 123-e ýetdi
Gazadaky Palestinanyň Saglygy goraýyş ministrliginiň metbugat geňeşçisi Eşref El-Kudra geçiren metbugat ýygnagynda Beýik gaýdyp geliş ýörişi diýip atlandyrylan protestlerde häzirki wagta çenli 7 müň 451-i hakyky oklar bilen jemi 13 müň 672 palestinalynyň ýaralanandygyny belläp, hassahanalarda bejergisi dowam edýän ýaralananlaryň 350-siniň ýagdaýynyň agyrdygyny habar berdi.
Ýaralananlaryň 2 müň 200-siniň çagadygyny, 140-synyň zenandygyny aýdan Kudra: "Diňe anna günlerinde lukmanlarymyz 2 müň 100 operasiýa geçirýär. Her sagatda ortaça 280 ýaraly adam getirilýär. Dünýädäki hiç bir saglygy goraýyş ulgam muňa çydam edip bilmez" diýdi.
Degişli Habarlar
Ermenistanda Hökümete Garşy Geçirilýän Ýörişler Dowam Edýär
Ýerewanda geçirilýän hökümete garşy ýörşlerde 240-dan gowrak adam saklandy.