Russiýanyň daşary işler ministri Demirgazyk Koreýanyň lideri bilen duşuşdy

Russiýanyň Daşary işler ministrligi tarapyndan berilen ýazmaça beýanatda Lawrowyň Demirgazyk Koreýanyň paýtagty Phenýanda Kim tarapyndan kabul edilendigi habar berildi.

Duşuşykda Russiýa bilen Demirgazyk Koreýanyň arasyndaky diplomatik gatnaşyklaryň 70-nji ýylynda iki ýurdyň arasyndaky hyzmatdaşlygyň ele alynandygy bellenip, taraplaryň Koreýa ýarym adasynyň töwereginde soňky wagtlarda başdan geçirilen hadysalar barada pikir alyşandygy mälim edildi.

Demirgazyk Koreýanyň lideri bilen Russiýanyň arasyndaky ilkinji resmi duşuşyk bolan bu kabul edilşikde Lawrow Kimi Russiýa çagyrdy.

Resmi Phenýan birnäçe gün ozal ýurdyň ýadro raketa programasyny duruzmak we bir atom desgasyny ýapmak barada karar kabul edipdi.

Karardan soň Demirgazyk Koreýa bilen ABŞ-niň arasyndaky gatnaşyklar kadalaşmaga başlamagyndan soň, ABŞ-niň Prezidenti Donald Tramp 12-nji iýunda Kim bilen Singapurda meýilleşdirilen maslahata gatnaşmakdan ýüz öwüripdi.

Demirgazyk Koreýanyň Daşary işler ministriniň orunbasary Kim Kýe-Gwan bolsa Trampyň duşuşyga gatnaşmazlygyna garamazdan ABŞ bilen gepleşiklere açykdyklaryny habar beripdi.