Gündogar Gutada guralan bombaly hüjümlerde ilkinji kesgitlemelere görä 20 adam ýogaldy
Rus harby uçarlary Gündogar Gutany gabaw astyna alan Asada tabynlykdaky güýçlere goldaw bermek üçin howa hüjümini gurady
Siriýanyň gabaw astyndaky Gündogar Guta etrabynda harby uçarlaryň düýn gije guran bombaly hüjümlerinde ilkinji kesgitlemelere görä asuda ilatdan 20 adam ýogaldy.
Jemgyýetçilik goranyş gullugynyň berýän habaryna görä, rus harby uçarlary Gündogar Gutany gabaw astyna alan Asada tabynlykdaky güýçlere goldaw bermek üçin howa hüjümini gurady.
Harby uçarlaryň Gündogar Gutanyň Misraba etrapçasyna düýn gije guran hüjümlerinde 11 adam ýogaldy.
Arbin etrapçasynda guralan howa hüjümlerinde ilkinji kesgitlemelere görä 6 adam, Beýt Sawa etrapçasyna guralan howa hüjümlerinde bolsa 2-si çaga 3 adam ýogaldy.
Yzygiderli ýagdaýda guralýan howa hüjümleri sebäpli ýogalanlaryň sanynyň artmagyna alada bildirilýär.
Oppozisionerleriň gözegçiligi astyndaky Gündogar Gutada ýarysy çaga jemi 400 müň adam ýaşaýar.
Gündogar Guta Astana şertnamasynyň çäginde çaknyşyksyz zolak hökmünde yglan edilendigine garamazdan Russiýanyň goldaw bermeginde 8 aýdan bäri Asada tabynlykdaky güýçler tarapyndan gabaw astynda tutulýar.
