Liwiýada guralan howa hüjüminde 17 adam ýogaldy

Liwiýanyň gündogarynda ýerleşýän Derne şäherinde guralan howa hüjüminde 17 adam ýogaldy, 30-dan gowrak adam ýaralandy.

Howa hüjümini guran uçarlaryň kime degişlidigi heniz bilinmeýär.

Şäherdäki Al Hureýş hassahanasynyň ýolbaşçylarynyň berýän maglumatyna görä, hüjümlerde 17 adam ýogaldy, 30-dan gowrak adam ýaralandy.

Hassahanada “adatdan daşary ýagdaý” yglan edildi we gan ýetmezçiliginiň başdan geçirilýändigi habar berildi.

Derne Mujahitleri Şura geňeşi 2015-nji ýylda Derne şäherini terror guramasy DAIŞ-den yzyna alypdy.

Derne Halife Hafter güýçleriniň gözegçiligi astynda bolmadyk ýeke-täk şäherdir.