Taliban tarapyndan zamun alynan adamlar azat edildi
Owganystanyň demirgazygyndaky Sary Pul welaýatynda Taliban tarapyndan zamun alynan asuda ilatdan 235 adam azat edildi
786482
Sary Pulyň welaýat häkmiliginiň metbugat geňeşçisi Zabihullah Amani Talibana agza başbozarlaryň gysga wagt ozal Sary Pulyň Mirzawlang diýilen ýerini basyp alandygyny, asuda ilatdan 30 adamy öldürendigini we 235 adamy zamun alandygyny habar berdi.
Amani gurama tarapyndan zamun alynan asuda ilatyň taýpa-tire liderleriniň çagyryşyna laýyklykda azat edilendigini we Sary Pulyň merkezine getirendiklerini belledi.
Mirzawlanga hüjüm guran Taliban guramasyna DAIŞ-e agza terrorçylaryň goldaw berendigini we sebitde operasiýanyň başladyljakdygyny habar berdi.
Taliban Mirzawlangda öldürilen 30 adamyň obanyň goragçylarydygyny öňe sürdi.
Owganystanyň Prezidenti Eşref Gani asuda ilat gyrgynçylyklarynyň jogapsyz galmajakdygyny beýan edipdi.
