Mosulda 10 müňe golaý çaga öýüni terk etmeli boldy
Dužarriç Mosulda 22 müň adamyň öýlerini terk edendigini aýtdy
603876
Yragyň Mosul şäherinde 10 müňe golaý çaga öýüni terk etmeli boldy.
BMG-nyň Baş sekretarynyň metbugat geňeşçisi Stephane Dužarriç metbugata beren beýanatynda Yragyň Mosul şäherinde başdan geçirilýän soňky wakalar hakynda maglumat berdi.
Stephane Dužarriç Mosuly halas ediş operasiýasynyň başlan güni bolan 17-nji oktýabrdan bäri 22 müň adamyň öýlerini terk edendigini aýtdy.
Stephane Dužarriç BMG-nyň Çagalara ýardam düzümi UNICEF-iň görkezijilerine görä, şol sanyň 10 müňe golaýynyň çagalardan ybaratdygyny belledi.
BMG-nyň Baş sekretarynyň metbugat geňeşçisi terror gurasmasy DAIŞ-den yzyna alynan obalardaky 25 müň adama azyk we derman kömeginiň berlendigini ýatlatdy.