Yrakda 70 terrorçy öldürildi
Felluje 2014-nji ýyldan bäri terror guramasy DAEŞ-iň gözegçiligi astynda
499530
Yragyň Felluje şäheriniň terror guramasy DAEŞ-den yzyna alynmagy üçin guralýan operasiýalaryň çäginde guramanyň serkerdeleri bilen birlikde 70 terrorçy öldürildi.
Fellujeniň yzyna alynmagy üçin guralýan operasiýalarda Yragyň ýaragly güýçlerine ABŞ-nyň ýolbaşçylyk etmegindäki hyzmatdaş güýçleri hem goldaw berýär.
Amerikaly serkerde Stew Warren soňky 4 günde hyzmatdaş güýçlerine degişli uçarlaryň 20 howa hüjümini gurandygyny aýtdy.
Şäherde asuda ilatyň ýitgi çekmezligi üçin ünsli çemeleşilýändigini aýdan Warren, halka uçarlar arkaly duýduryş berlendigini nygtady.
Felluje 2014-nji ýyldan bäri terror guramasy DAEŞ-iň gözegçiligi astynda.
Yragyň ýaragly güýçleri geçen aýlarda hem Ramadi şäherini DAEŞ-den yzyna alypdy.