"چونکو بیز تورک میللتی‌ییک"
اردوغان: دونیانی سؤوموره‌رک اؤزلرینه ریفاه قورولوشو یارادانلارا بویون ایمه‌دیک، ایمه‌یه‌جییک
یئنی سیستمین ایلک آک پارتی قورولتایین‌دا کورسویه چیخان پرزیدنت و آک پارتی باشقانی رجب طیب اردوغانین گوند‌مین‌ده تورکیه‌یه قارشی یورودولن اقتصادی ساواش واردی.
پرزیدنت اردوغان، آک پارتی ۶.جی اولاغان بؤیوک کونگره‌سینده، آمریکایا مئساژلار وئردی.
اردوغان، "بیری‌لری بیزی گویا اقتصاد، تحریم، ارز، بهره، تورملا تهدید ائدیر. اونلارا دئییریک کی اویونونوزو گؤردوک و میدان اوخویوروق" دئیه‌رک،
"بیلیریک کی ایمان وارسا، ایمکان دا وار. میللتیمیز بو گونه قدر نه قدر خیانتلری، نه قدر تله‌لری همیشه ایمانی ایله بوغموشدور" ایفاده‌لرینی ایشلتدی.
"دونیانی سؤوموره‌رک اؤزلرینه ریفاه قورولوشو یارادانلارا بویون ایمه‌دیک، ایمه‌یه‌جییک" دئیه‌ن رجب طیب اردوغان،
"هم جسارتی هم عاغلی اولان بو میللتین قارشیسین‌دا دوراجاق هئچ بیر فانی گوج تانیمیریق. هئچ کیم بو میللتله، بو اؤلکه ایله اویناماغا قالخماسین. یا اولاجاییق، یا اؤله‌جه‌ییک دئیه‌رک هدفلریمیزه دوغرو یئرییه‌ن بیر میللتیک. ظاهرده بیزه استراتژیک اورتاق اولاراق گؤروکوب ده آتدیغی هر آددیملا بیزی استراتژیک هدف حالینا گتیرمه‌یه چالیشانلارا تسلیم اولمادیق اولمایاجاییق" دئدی.
اردوغان،
"بیر دفعه داها اوجادان دئییریک؛ باجاراممایجاقسینیز، میللتیمیزی بؤله‌ممه‌یه‌جکسینیز، اذانلاریمیزی سوسدوراممایاجاقسینیز، بایراغیمیزی ائندیره‌ممه‌یه‌جکسینیز، دؤولتیمیزی ییخاممایاجاقسینیز، تورکیه‌نین یوکسلیشینی دوردوراممایاجاقسینیز، هدفلریمیزه نایل اولمامیزا انگل اولاممایاجاقسینیز. چونکو بیز تورکیه‌ییک، چونکو بیز تورک میللتی‌ییک، چونکو بیز مسلمانیق، چونکو بیز بشریتین اورتاق سسی و ویجدانیییق" دئدی.
