تورکیه ساحل‌لرینده اونلارلا قانون‌سوز کوچمن خلاص ائدیلیب

تورکیه-‌نین ایزمیر ویلایتی‌نین کارابورون بولگه‌سی‌نین ساحل‌لرینده رزین قاییقدا بیر قروپ قانون‌سوز کوچمن  آشکارلانیب.

بو باره‌ده ساحل محافظه خیدمتی معلومات یاییب.

معلوماتا گؤره، اراضییه قورتارما قروپو گؤندریلیب.

خیدمتین امکداش‌لاری یونانیستان طرفیندن تورکیه-‌نین اراضی سولارینا سیخیش‌دیریلان رزین قاییقدا بیری اوشاق اولماقلا 39 قانون‌سوز کوچمنی خلاص ائدیب.

اونلار ویلایتین کوچ ایداره‌سینه تحویل وئریلیب. کوچمن لرین هانسی اؤلکه‌نین وطنداش‌لاری اولما‌لاری آچیق‌لانمیر.