تورکیهدهکی سوریهلی ساییسی آچیقلاندی
کؤچ ایدارهسی مودورلوگو و سیغینماچیلار درنگی، تورکیهیه گلن سوریهلی سیغینماچی ساییسینی آچیقلادی
تورکیهده، ژوئن آیی اعتیاری ایله، ۳ میلیون ۵۷۰ مین ۳۵۲ سوریهلی سیغینماچی وار.
ایچ ایشلری باخانلیغی کؤچ ایدارهسی مودورلوگو و سیغینماچیلار درنگی، تورکیهیه گلن سوریهلی سیغینماچی ساییسینی آچیقلادی.
بونا گؤره، تورکیهیه گلن سوریهلی سیغینماچی ساییسی ژوئن ۲۰۱۸ اعتباری ایله ۳ میلیون ۵۷۰ مین ۳۵۲ اولدو.
درنگین معلوماتلارینا گؤره، بو رقمین ۱ میلیون ۹۳۵ مین ۴۹۹ونو کیشیلر، ۱ میلیون ۶۳۴ مین ۸۵۳ونو ده قادینلار تشکیل ائدیر.
کؤچ ایدارهسی طرفیندن گئچیجی بارینما مرکزلرینده قالان سوریهلیلرین ساییسینی دا پایلاشیلدی.
بونا گؤره ۲۱ ژوئن ۲۰۱۸ تاریخی اعتباریله ۲۱۶ مین ۸۹۰ نفر کمپلرده یاشایارکن، ۳ میلیون ۳۵۳ مین ۴۶۲ نفر ایسه کمپ دیشیندا ائل و ائلچهلرده یاشاییر.
ان چوخ سوریهلینین اولدوغو شهر ایسه ۵۶۳ مین ۱۵ نفر ایله ایستانبول.
سوریهلیلرین ان آز اولدوغو شهر، ۲۸ نفر ایله بایبورت.
بایبورتو ۳۴ نفر ایله آرتوین، ۴۴ نفر ایله تونج ائلی تعقیب ائدیر.
سوریهلیلرین یئرلی اهالییه نیسبتا ان سیخ یاشادیغی ائلچه ایسه یوزده ۹۶،۲۶ ایله کیلیس. کیلیسده سیغینماچی ساییسی اؤنجهکی آیا گؤره ۵۱۵ نفر آرتدی.
سوریهلیلرین تورک اهالیسینه نیسبتا سیخلیغینین ان آز اولدوغو شهر ایسه یوزده ۰،۰۲ ایله آرتوین.
نفوس و وطنداشلیق ایشلری باش ایدارهسی معلوماتلارینا گؤره ایسه، ۲۰۱۱دن بو یانا، سوریه اصیللی اولوب تورک وطنداشلیغی آلانلارین ساییسی ۵۵ مین ۵۸۳. بونلاردان ۲۵ مینی ۰-۱۸ یاش قروپوندا یئر آلیر.