تورکیه-دن آلمانیایا سرت تپکی
متفیقلر مسئلهیه هله ده ترور تشکیلاتلارینین گؤزو ایله باخیر.
تورکیه آلمانیا باش ناظیری آنگلا مرکل-ین تورکیه سلاحلی قوهلرینین سوریه-نین عفرین بؤلگهسینده آپاردیغی زیتون دالی عملیاتی ایله باغلی سؤزلرینین قبول ائدیلمز اولدوغو بیلدیریلیب.
تورکیه خاریجی ایشلر ناظیرلیگیندن وئریلن یازیلی معلوماتدا بیلدیریلیر:
"زیتون دالی حرکاتینین تروریزمله موباریزهنین سیویل لره ضرر وئرمهدن نئجه آپاریلما مسئلهسینی یاخشی بیلیریک. عفرینده اله کئچیریلن و ایجتیمایته منتظم اولاراق پایلاشیلان گؤرونتولر حرکات علیهینه آپاریلان قارا تبلیغات کاراکتری داشیییر.
عفرین خالقی اوچون ترور تشکیلاتی پ.کا.کا-نین بؤلگهدکی داوامی پ.ی.د/ی.پ.گ طرفیندن دؤشنن مین و پاتلاییجی مادهلردن باشقا هئچ بیر تهلوکه یوخدور. بونلار دا سرعتله تمیزلنیر، تهلوکهسیزلیک و ثابتلیک تاسیس اولونور.
آلمانیا باش ناظیری آنگلا مرکل-ین فدرال مجلیس ده کی مراجعتینده زیتون دالی حرکاتی حاقیندا حقیقته یاخین اولمایان، دزینفورماسیایا سؤیکنهرک ائتدیگی تالع سیز آچیقلامانی قبول ائدیلمز حساب ائدیریک. تورکیه زیتون دالی حرکاتی ایله مقصدی هم اؤزونومدافعه حقوقوندان ایستیفاده ائدهرک میللی تهلوکهسیزلیگینی قوروماق، هم ده عفرینی تروریستلرین الیندن خلاص ائدهرک حقیقی صاحبلرینه قایتارماقدیر. اما بعضی متفیقلریمیز مسئلهیه هله ده ترور تشکیلاتلارینین گؤزو ایله باخماغا داوام ائدیرلر. متفیقلریمیزه ترورو دستکلمک یئرینه اؤلکهمیزله یاخین علاقه و مشورت ایچینده سوریه-ده تام باریش، تهلوکهسیزلیک و ثابیتلیگین یارانماسی اوچون سعی گؤسترمهیه دعوت ائدیریک".