اردوغان، روحانی ایله دانیشدی

پرزیدئنت رجب طیب اردوغان‌دان تلفن دیپلوماسی‌سی.

اردوغان، ایران‌لی قونومداشی حسن روحانی ایله تلفن‌دا دانیشدی.

ایکی لیدئر، عفرین و ادلب باشدا اولماقلا، سوریه مسئله‌سین‌ده‌کی سون گلیشمه‌لر حاق‌دا فیکیر آلیش وئریشی ائتدی.

اردوغان و روحانی، ترور عنصورلارینه قارشی مباریزه‌ده امکداشلیغین اؤنمینی ده وورغولادی.

جمهورباشقانلیغی قایناقلاریندان الده ائدیلن معلوماتا گؤره، پرزیدنت اردوغانین تورک سلاح‌لی گوج‌لرینین عفرین بؤلگه‌سین‌ده یئریتدیگی زیتون بوداغی عملیاتینا دایر بیلگی پایلاشدیغی دانیشمادا ایکی لیدئر سوریه مسئله‌سینه حل تاپماغا یؤنه‌لیک چابالار چرچیوه‌سین‌ده آستانا پروسه‌سی و سوچی کنگره‌سینه ده توخوندو.

پرزیدنت اردوغان، آیریجا دونن ایران‌دا بیر یولچو اوچاغینین دوشمه‌سی نتیجه‌سین‌ده حیاتینی ایتیره‌نلر اوچون روحانینین شخصین‌ده ایران خالقینا باش ساغلیغی دیله‌دی.

اردوغان قیسا مدت اول ده روسیا لیدئری ولادیمیر پوتین ایله تلفن‌دا دانیشمیش، ایکی لیدئر سوریه‌ده‌کی گلیشمه‌لری اله آلمیشدی.