جمهور باشقانی اردوغان آراکانا یاردیم چاغیریشینی جاوابسیز قویمادی
جمهور باشقانی رجب طیب اردوغان Jerome Jarre و Omar Sy –نین باشلادیغی "آراکان اوچون سئوگی اردوسو" آدلی یاردیم کامپانیاسینا تویتر حسابیندان دستک وئردی.
جمهور باشقانی رجب طیب اردوغان سوسیال مئدیا فئنومنی Jerome Jarre و فرانسیز اویونجو Omar Sy –نین ده آرالاریندا اولدوغو بیر چوخ مشهور سیمانین باشلادیغی "آراکان اوچون سئوگی اردوسو" آدلی یاردیم کامپانیاسینا تویتر حسابیندان دستک وئردی.
اردوغان پایلاشماسیندا: "عزیز Jerome Jarre ، احتیاج ایچینده اولان اینسانلارین هارادا یاشایماسیندان آسیلی اولمایاراق اونلارین یاردیم چاغیریشینا هر زامان جاواب وئریریک.. #LoveArmyforRohingya -نین سعیلرینی یاردیم تشکیلاتلاریمیز طبیعی فلاکت و فوق العاده حاللار ایدارهسی (آفاد)، تورک امکداشلیق و کووردیناسیون آژانسی (تیکا)، تورک قیزیل آیی و تورکیه هاوا یوللاری (THY) واسطهسیله دستکلیجییک" ایفادهلرینی ایشلتدی.
قئید ائدک کی، Jarre تویتر حسابیندان: "هامینیزا احتیاجیمیز وار! آراکان میسیونوموز اوچون تورکیه جمهور باشقانیندان کؤمک ایستییریک! دونیا میقیاسیندا بیر لیدر کامپانیامیزا دستک وئردیکدن سونرا هر شئی داها سرعتلی و گؤزل ایرلیلیر" یازیب.
آراکان و بنگلادش-ده اردوغانی و تورکیه-نی هر کسین تانیدیغینی قئید ائدن Jarre دوشرگهلره داها اول تورکیه طرفیندن یاردیملارین چاتدیریلدیغینی خاتیرلادیب.
جمهور باشقانی اردوغاندان آراکان مسلمانلارینا یاردیم کامپانیاسی اوچون دستک ایستهین تویتر اتیکتی فرانسادا ان چوخ دانیشیلان موضوع (TT) اولدو.
##ErdoganHelpRohingya مئساژی بیر سیرا اؤلکهده ده ان چوخ دانیشیلان موضوع لاردان اولدو.