آنایاسا دییشیک‌لیک تکلیفی‌نین 2-جی تورو
تورکیه بؤیوک میللت مجلیسینین عمومی اجلاسیندا دونن آنایاسا دیشیک‌لیک تکلیفی‌نین داها 4 مادده‌سی قبول ائدیلدی.
تورکیه بؤیوک میللت مجلیسینین عمومی اجلاسیندا دونن آنایاسا دیشیک‌لیک تکلیفی‌نین داها 4 مادده‌سی قبول ائدیلدی.
8 -جی ماده 339، 9-جو ماده 341، 10-جو ماده 340، 11-جی ماده ایسه 342 سسله قبول ائدیلدی.
8 -جی ماده جمهورباشقانی "دؤولتین و یوروتمه نین باشی" اولاراق تانیملانیر.
جمهورباشقانی یوروتمه ایله علاقه لی مسئله لرده فرمان وئره بیله‌جک.
جمهور باشقانی یاردیمجیلارینی و ناظیری وظیفه‌یه آتاما و وظیفه‌دن چیخارما سلاحیتینه مالیک اولا‌جاق.
9 -جو ماده‌ده جمهورباشقانی حاقیندا سوچ ایشله دیگی ادعاسی ایله سوروشدورما باشلادیلماسی نظرده توتولوب.
بونون اوچون مجلیسین تام اکثریتی‌نین تکلیف وئرمه‌سی کیفایت ائده‌جک.
آلی محکمه‌یه گؤندریلمه‌سی اوچون ایسه 400 میللت وکیلی‌‌نین سسینه احتیاج اولا‌جاق.
10 -جو ماده ایسه جمهورباشقانی‌نین یاردیمجیلاری و وکالت ائتمه سلاحیتی ایله علاقه‌لی‌دیر.
جمهورباشقان‌لیغی پستی هر هانسی سبب‌دن بوشالسا یئرینه یاردیمجیلاری وکالت ائده جک.
سئچکی‌لرین یئنی‌لنمه‌سی ایله علاقه‌لی 11-جی مادده قارشی‌لیق‌لی لغو اساس‌لارینی احاته ائدیر.
بونا گؤره 360 سسله مجلیس و جمهور باشقانلیغی سئچکی‌لری‌نین یئنی‌لنمه‌سینه قرار وئریله بیله‌جک.
