تورکیه پنجره سیندن اورتادوغو (5)
ژنو-وین پروسهلری چرچیوه‌سینده سوریه‌ده 2016-جی ایلی ایله بیرلیکده یئنی بیر دؤورون باشلاماسی پلانلاشدیریلیردی آنجاق اومیدلر بوشا چیخدی
تورکیه پنجره سیندن اورتادوغو (5)
آستانا-ژنو پروسهلری چرچیوه‌سینده سوریه ایچری‌سین‌دکی هر آکتور موقعیتینی نظردن کئچیریر، ایستراتژی‌لرینی مغلوب اولور. بیز ده بو هفته پروقرامیمیزدا سوریه تورکمن‌لری‌نین ایستراتژیسی نه اولما‌لی موضوعسونو تحلیل ائدجگیک.
آتاتورک اونیورسیته‌سی اولوسلار آراسی ایلیشکیلر بؤلومو آراشدیرما گؤرئولیسی جمیل دوغاچ ایپک‌ین موضویلا باغلی قیمتلندیرمه‌سینی تقدیم ائدیریک ...
ژنو-وین پروسهلری چرچیوه‌سینده سوریه‌ده 2016-جی ایلی ایله بیرلیکده یئنی بیر دؤورون باشلاماسی پلانلاشدیریلیردی آنجاق اومیدلر بوشا چیخدی. 2017-جی ایلده روسیا و تورکیه‌نین تشببوس آلماسی ایله بیرلیکده سوریه اوچون باریش دانیشیق‌لاری اؤنجه‌سی قازاقیستانین باشکندی آستانادا رئاللاشدیریلدی. سونراسیندا دا ژنو‌ده کئچیریله‌جک. آستانادا سوریه تورکمنلرینی تمثیلن سوریه تورکمن مجلیسی ماسادا وار. بیز ده بو هفته تورکمن‌لرین هانسی ایستراتژیسینی ایزلمه‌سی لازیم اولدوغو اوزرینه دانیشماق ایستییریک.
سوریه جوغرافیاسیندا یاشایان قدیم خالق‌لاردان بیری اولان تورکمن‌لر یئددینجی عصردن بو یانا بؤلگه‌ده حیات‌لارینی داوام ائتدیریر. تورکمن‌لر سوریه‌ده گئنیش بیر ساحه‌یه یاییلمیش حالدا. حلب، لازقیه-ایدلیب (باییر-بوجاق)، حوموص، حما، تارتوس، راقه، درعا، شام و گولان بؤلگه‌لرینده تورکمن وارلیغی وار. سوریه تورکمن‌لری عصرلردن بری یاشادیق‌لاری تورپاق‌لارینی و شخصیت‌لرینی قوروماق اوچون ساواشیر.
سوریه‌ده تورکمن‌لرین موباریزه‌سی 2011-جی ایلده خالق آیاخلانماسییلا بیرلیکده، اسد رژیمی‌نین دولت ترورونا قارشی باشلادی. 2011-جی ایلده بو یانا اسد رژیمی لبنان مرزین‌دکی، حلب‌دکی، باییر-بوجاقداکی تورکمن یئرلشیملرینی دفعه‌لرله بومبالادی. بو سالدیری‌لار نتیجه‌سینده یوز مینه یاخین تورکمن اؤلدو. تورکمن‌لرین ایفاده‌لرینه گؤره بو آندا ایتکین و نظارتده اولان مین‌لرله تورکمن وار.
تورکمن‌لر 2011-جی ایلده بو گونه ترور تشکیلات‌لاری‌نین (داعش و پ.ک.ک / ی.پ.گ) و اسد رژیمی ایله موتتفیق‌لری‌نین سالدیری‌لارینا قارشی موباریزه ائتدی. عصرلردیر سوریه‌ده، سوریه خالقین‌دان آیری بیر خالق اولا‌راق، تورکمن‌لر وارلیق گؤستریر. سوریه‌ده تورکجه دانیشان تخمینن 1.5 میلیون تورکمن وار. تورکجه‌نی اونوتموش تورکمن‌لر ایله بیرلیکده سوریه‌دکی تورکمن اها‌لی اوچ میلیون جیواریندا‌دیر. تورکمئن وارلیغینی هم تورک ایمپئراتورلوق آرخیو‌لری هم ده فرانسانین ماندا رهبرلیگی آرشیو‌لری تصدیقلییر. تورکمن‌لر اوزون مدت‌دیر اینسان حاق‌لاری پوزونتولارینا، قیرغین‌لارا اوغراییر آیریجا مدنی حاق‌لار دا وئریلمیر. بو وضعیته آرتیق اولوسلار آراسی توپلوم اعتراض گؤسترمه‌لی.
موضوعیلا باغلی اولا‌راق هدفه چاتا بیلمک اوچون سوریه‌دکی تورکمن خوصوصونو "اولوسلار آراسیلاشدیریلماسی" اهمیت‌لی بیر آددیم اولا بیلر. دونیا توپلومو اؤنجه بورادا سوریه خالقین‌دان آیری اولا‌راق تورکمن آدیندا باشقا بیر خالق دا اولدوغونو اینفورماسیون واسطه‌سیله اؤیرنمه‌لی. چونکی سوریه‌ده بو گون آیری بیر خالق اولا‌راق تورکمن‌لر اینسان حاق‌لاری پوزونتولارینا و قیرغین‌لارا معروض قالیر، مدنی حاق‌لارینی آلا بیلمیر. بو وضعیت اولوسلار آراسی توپلوما هر شکیلده دویورولما‌لی.
بو نقطه‌ده موضوعیا اولوسلار آراسی حقوق پرسپکتیوین‌دن ده باخماق فایدا‌لی اولا‌جاق. موضوعیلا باغلی اولان 1921 آنکارا، 1923 لوزانا، 1939 تورکیه-فرانسا آندلاشما‌لاریندا سوریه‌ده تورکمن‌لر یؤنلیک هر هانسی بیر ایستاتوس اؤنگؤرولممیشدیر. بو وضعیت دؤورون آزینلیق آنلاییشی‌نین دینی تملده گؤرولمه‌سی و سوریه تورکمن‌لری‌نین ده اکثریتی مسلمان بیر اؤلکه‌نین مرزلری‌نین ایچری‌سینده اولماسی ایله ده باغلی. بو سبب‌دن سوریه تورکمن‌لری حال-حاضیردا سوریه‌ده بیرباشا وارلیق اولا‌راق آیری بیر حقوقی ایستاتوس وئرن دئییل. بو سببله سوریه تورکمن‌لری‌نین اؤنوموزدکی مدتده ایلک هدف‌لری حقوقی ایستاتوس قازانماق اولما‌لی‌دیر. بونون اوچون ده؛ آیری بیر آکتور اولا‌راق؛ سوریه‌نی میدانا گتیرن عنصورلاردان بیری اولا‌راق؛ موجود ایچینده اولولان چتیرین خاریجینده مذاکیره‌یه اوتورولماسی لازیم‌دیر. بورادا بو یؤنده اوغور الده ائدیلسه بو وضعیت عراق تورکمن‌لری اوچون ده مودئل اولا بیلر.
سوریه تورکمن‌لری‌نین دموکراتیک، حقوقی، دونیوی، معاصیر، غرب و دگرلری ایله بیر پروبلمی اولمایان، بؤلگه‌دکی بوتون اتنیک-دینی عنصورلارا حؤرمت‌لی بیر تشکیلاتلانما اولدوغو اولوسلار آراسی توپلوما ان قیسا زاماندا، یاخشی بیر لاونسمان ایله گؤستریلمه‌لی‌دیر. سوریه‌دکی دیگر عنصورلارا گؤره داها غربچی- لائیک بیر آکتور اولان سوریه تورکمن‌لری غرب توپلومون ماراق اویان‌دیرا‌جاق. بو تزه دستک اولا‌راق تورکمن‌لر آراسین‌داکی صوفی-ایسلام مکتبی لیدرلری بو مرحله‌ده اؤن پلانا چیخاریلا بیلر. بو شکیلده تورکمن‌لر؛ داعش کیمی تکفیرجی عنصورلارلا یالنیز ساحه‌ده دئییل هر ساحه‌ده موباریزه ائده بیله‌جگینی گؤستره‌رک تز‌لرینه داها قیسا مدتده جواب تاپا‌بیلر.
آیریجا حقوقی ایستاتوس قازانیمی اوچون سوریه‌ده قدیم تورکمن وارلیغی‌نین اثباتی نقطه‌سینده تورک ایمپراتورلوق آرشیو‌لری‌نین یانیسیرا فرانسانین ماندا آرشیو‌لری ده تورکمن‌لر اوچون چوخ اهمیت‌لی‌دیر. علاقه‌دار آرشیو‌لرده موضوعیلا باغلی سندلرین آراشدیریلماسینا، نشر اولونماسینا و توپلوم ایله پایلاشیلماسینا یؤنلیک بیر پروژه فایدا‌لی اولا بیلر.
سوریه تورکمن‌لری ایله باغلی اولا‌راق آتیلا‌جاق بوتون آددیم‌لارین اوزون وعده‌ده اوغور گتیرمه‌سی حقوقی ایستاتوسون ساغلام‌لیغینا باغلی‌دیر. حقوقی ایستاتوس نقطه‌سینده 2014-جی ایلده اوکراینادا کریمه تاتار تورک‌لری‌نین آنایاسال حاق اولا‌راق قازاندیغی 'یئرلی خالق ایستاتوسو اؤرنک آلینا بیلر. یئنه حقوقی ایستاتوس‌لو ایستیناد اولا‌راق؛ صربیستان ایچری‌سینده مختار بؤلگه ایکن کوسووانین ایستاتوسو، غرب تراکیاداکی توتورکلرین ایستاتوسو، تورکیه‌دکی مسلمان اولمایان‌لارین ایستاتوسو آراش‌دیریلا بیلر. نتیجه اولا‌راق؛ حقوقی ایستاتوس تورکمن‌لر اوبژکتیویته / اوبژکتیو‌لیک قازان‌دیرا‌جاق. سوریه‌ده تورکمن‌لرین موجود وضعیتی ایسه تأسف کی، سوبژکتیویته / اؤزنل‌لیک حالی‌دیر. سوبژکتیویته حالی داوام ائتدیگی مدتجه ده تورکیه‌دن باشقا کیمسه تورکمن‌لرله ایلگیلنمه‌یه‌جک و اونلاری نظره ائتمه‌یه‌جک. هر نه اولورسا اولسون تورکمن‌لرین اساس هدفی بیر ایستاتوس سندی قازانماق اولما‌لی‌دیر. حقوقی ایستاتوس ایره‌لیله‌ین ایللر اوچون (اوستو سیلینمیش بئله اولسا) بیر سنددیر
آتاتورک اونیورسیته‌سی اولوسلار آراسی ایلیشکیلر بؤلومو آراشدیرما گؤرئولیسی جمیل دوغاچ ایپک‌ین موضوعیلا باغلی قیمتلندیرمه‌سینی تقدیم ائتدیک ...
