تورکیه پنجره سیندن اورتادوغو (19)
حلب‌ین مخالیف‌لرین ایداره‌سین‌دکی بؤلگه‌سینده قودس خسته‌خاناسی ده روسیا و اسد رژیمی‌نین سون گون‌لردکی هاوا سالدیری‌لاری‌نین هدف‌لرین‌دن بیری اولدو
تورکیه پنجره سیندن اورتادوغو (19)
سوریه‌لی دوکتور اوسامه ابو العز قیشقیریر: "حلبه آرتیق تابوت قیت‌لیغی یاشانیر!"
خونخار سالدیری‌لار نتیجه‌سینده حیاتینی ایتیرن‌لر اوچون آرتیق تابوت تاپما چتین‌لیگی چکیلیر. آرتیق، حلبه مخالیف‌لرین نظارتی آلتین‌داکی بؤلگه‌سینده یاشاماق اؤلومله قول-قولا اولماق‌دان فرق‌سیز. بئله کی، بعضی اینسان‌لار بو شهردن خلاص اولماق اوچون سانکی اؤلومون بیر آن اوّل گلمه‌سی اوچون دعا ائدر حالا گلمیش! روسیا و اسد رژیمی طرفین‌دن ائدیلن سون بومبالاما تلاشلاری ائله چوخ کی، دوکتور ابو العزه گؤره آرتیق آز قالا داش‌لار آتش آلیب یانماقدا ...
دونیانین مشهور اینسان حاق‌لاری تشکیلاتلاریندان اولوسلار آراسی عفو تشکیلاتی (UAÖ) قیسا مدت اوّل بیر راپور یایینلادی. بو راپورا گؤره روسیانین و اسد رژیمی‌نین هاوا گوجلری قصداً و سیستماتیک شکیلده خسته‌خانا‌لاری و ساغلیق کلینیک‌لرینده هدف آلمیش وضعیتده. UAÖ بو نتیجه‌یه، آتشکس اولین‌دکی هاوا سالدیری‌لارینی قیمتلندیردیگی بیر ایشین نتیجه‌سینده چاتمیش.
شما‌لی حلبده آتشکس سونا اردیریلدیکدن سونرا یئنی‌دن هاوا سالدیری‌لارینا باشلایان اسد رژیمینه و روس هاوا گوجلرینه عایید اوچاق‌لارین ایلک تلاشلارین‌دان بیری یئنه خسته‌خانا و کلینیک‌لری وورماق اولدو. UAÖ وظیفه‌لی‌سی تیرانا هاسسانا گؤره اولوسلار آراسی حقوقو آیاق‌لار آلتینا آلان ساغلیق تشکیلات‌لاری و پرسونلینه یؤنلیک بو سالدیری‌لار، وحشیجه ایزلنیلن ساواش استراتژیسی‌نین اولمازسا اولماز بیر پارچاسی.
خسته‌خانا‌لار، الکتریک سانتراللاری و ایچمه سویو موسسیسه‌لری روس و اسد رژیمی سالدیری‌لاری‌نین ایلک هدف‌لری وضعیتینده. بونداکی مقصدین سالدیریا معروض قالان شهر اها‌لی‌سینی بؤلگه‌دن آیریلماغا مجبور اولدوغونا شوپهه یوخدور. شخصاً قاچقین بحرانی‌نین یارادیلماسی بیر ساواش استراتژیسی اولا‌راق منیمسنمیش وضعیتده. اینسان‌لاری معا‌لیجه ائده‌جک ساغلیق ایشچی‌لری‌نین قالماماسی، هر شئیه باخمایا‌راق قالماغی سئچیم ائتمیش شهر ساکین‌لرینی یاشادیق‌لاری بؤلگه‌نی ترک ائتمه‌یه ایته‌له‌ین ان اهمیت‌لی سبب‌لر آراسیندا یئر آلیر.
حلب‌ین مخالیف‌لرین ایداره‌سین‌دکی بؤلگه‌سینده قودس خسته‌خاناسی ده روسیا و اسد رژیمی‌نین سون گون‌لردکی هاوا سالدیری‌لاری‌نین هدف‌لرین‌دن بیری اولدو. و بو سالدیریدا، بؤلگه‌دکی تک اوشاق دوکتورو اولان محمد وئسیم مواز اؤلدوردو
یولداش‌لاری‌نین ایفاده‌لرینه گؤره دوکتور مواز اؤزونو خالقینا حصر ائتمیش و خسته‌لرینه درین محبت ائشیتمیش بیری ایدی. هر آن بیر عاجل وضعیت اولا بیله‌جگی دوشونجه‌سیله خسته‌خانادا یاتماغا باشلامیشدی.
سالدیری‌لاردا قوربان اولان‌لاردان بیری ده حلبده قالان سون 10 دیش دوکتورون‌دان بیری اولان محمد احمد اولدو. هم همکارلاری‌نین هم ده خالقین چوخ سئودیگی بیری ایدی دوکتور احمد. کؤنول‌لو اولا‌راق اوشاق اوچون تشکیل ائدیلن فعالیت‌لره قاتی‌لاردی. اونلارا ساواش وضعیتینده دیش خسته‌لیک‌لرین‌دن نئجه قوروناجاغی‌نین یول‌لارینی اؤیرتمه‌یه چالیشیردی.
سون بئش ایل ایچینده سوریه‌ده یوزلرله دوکتور اؤلدو. اینسان حاق‌لاری اوچون دوکتور‌لار آدلی قورومون ائتمیش اولدوغو ایشه گؤره سوریه‌ده سون بئش ایل ایچینده ان آز 730 دوکتور اؤلدو. UAÖ-نون ده ایفاده ائتدیگی کیمی، خسته‌خانا‌لار و ساغلیق پرسونلی اوزرینه سالدیری‌لار سهو نتیجه‌سینده اورتایا چیخان استثنا وضعیت‌لر دئییل‌دیرلر. هئچ شوپهه‌یه احتیاج بوراخمایا‌جاق شکیلده بو تیپ سالدیری‌لار قصدلی اولا‌راق ائدیلیر. قودس خسته‌خاناسی‌نین بومبالانماسین‌دان بیر گون سونرا آیدا 2 مین‌دن چوخ اینسانا خیدمت وئرن بیر ساغلیق مرکزی ده سالدیرییا اوغرادی.
مارس آییندا اجرایه قویولان آتشکس، چاتیشما‌لارین تامامیله بیتمه‌سینی تامین ائده‌بیلممیشدی. آنجاق اؤلکه داخیلینده خالقین آز دا اولسا نفس آلماسی مومکون اولموشدو. بو آن شما‌لی حلب ده داخیل اولماق عذره، آتشکس اؤلکه‌نین اهمیت‌لی بیر قیسیمینده سونا چاتمیش و سالدیری‌لار یئنی‌دن باشلامیش وضعیتده. یاخین گله‌جکده ده بیر باریش راضیلاشماسی اومیدی گؤرونمور. لاکین آتشکسین شما‌لی حلب ده داخیل اولماق عذره تکرار تاسیس ائدیلمه‌سی لازیم اولدوغون‌دان کیمسه‌نین شوپهه‌سی یوخدور. بونون سؤز موضوعسو اولا بیلمه‌سی اوچون ده آمریکا، روسیا اوزرین‌دکی بوتون آغیرلیغینی و کوزلارینی ایستیفاده ائتمک مجبوریتینده. طبیعی کی روس‌لارین دا اسد رژیمی اوزرینده تضییق ائتمه‌سی لازیم‌دیر. روس‌لارین بومبالاما دایاندیرماسی و اسد رژیمینی ده بو شکیلده داورانماغا مجبور ائتمه‌سی وضعیتینده تکرار اؤلکه عمومیتینه یاییلا‌جاق اولان آتشکس هم دانیشیق‌لارین مثبت کئچمه‌سینی آسان‌لاش‌دیرا‌جاق هم ده اینسان ایتکی‌سی‌نین بیر نبضه آزالماسینی تامین ائده‌جک.
