تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
‘‘یئنی شافاک’’: ابراهیم کالین: ‘‘بو قرار هئچ بیر معنا داشیمیر’’
جمهور باشقانلیغی سؤزچوسو ابراهیم کالین امریکا سناتینین 1915-جی ایل حادثهلرینی “ارمنی سوی قیریمی” کیمی تانییان قطعنامه لاییحهسینی قبول ائتمه سی ایله باغلی بیلدیریب کی، بو قرار تورکیه اوچون هئچ بیر معنا داشیمیر. بو قرار سیاسی، حربی و ایقتیصادی هئچ بیر ساحه ده توکیه-نین موضعینه تاثیر گؤستره بیلمیجک. ابراهیم کالین صخصی تویتر صحیفه سیندن وئردیگی آچیقلامادا بو ایفادلره یئر وئریب: ‘‘امریکانین قرارینی قیناییر و رد ائدیریک. بو قرار تورکیه اوچون هئچ بیر معنا داشیمیر. بو قرار سیاسی، حربی و ایقتیصادی هئچ بیر ساحه ده توکیه-نین موضعینه تاثیر گؤستره بیلمیجک.
‘‘حریت’’: چاووش اوغلو: ‘‘ایسرایل خیالینی هئچ بیر زامان حیاتا کئچیره بیلمهیهجک’’
تورکیه-نین خاریجی ایشلر ناظیری مولود چاووش اوغلو دونن مراکش-ین پایتاختی راباط-دا ایسلام امکداشلیق تشکیلاتینین 50 ایللیک یوبیلیی موناسیبتیله تشکیل ائدیلن توپلانتیدا ایشتیراک ائدیب. توپلانتیدا چیخیش ائدن مولود چاووش اوغلو فیلیسطین مسئله سینه توخونوب.
‘‘ایسرایل فیلیسطین ایله باغلی خیاللارینی هئچ بیر زامان حیاتا کئچیره بیلمهیهجک’’،-دئیه تورکیه-نین خاریجی ایشلر ناظیری وورغولاییب.
‘‘استار’’: تورکیه و روسیا حربچیلری سوریه-ده 15-جی کئشیک خیدمتینی حیاتا کئچیریب.
سوچی-ده الده اولونان راضیلاشمایا چرچیوسینده تورکیه و روسیا حربچیلری فرات چایینین دوغوسوندا 15-جی بیرگه کئشیک خیدمتینی حیاتا کئچیریب.
بو بارده تورکیه-نین میللی مودافعه ناظیرلیگیندن وئریلن معلوماتدا بیلدیریلیب.
کئشیک خدمتینده تورکیه-نین دؤرد و روسیانین دؤرد زیرهلی ماشین لاری ایشتیراک ائدیب.
معلوماتا گؤره، تورکیه سلاحلی قوه لری و روسیا سلاحلی قوه لری قامیش-لی –راس العین بؤلگه سینده بیرگه کئشیک خیدمتینی حیاتا کئچیریب.
بو، تورکیه –سوریه سرحد خطی بویونجا حیاتا کئچیریلن 15-جی بیرگه نظارت دیر.
خاطیرلاداق کی، تورکیه و روسیا حربچیلری بیرینجی بیرگه کئشیک خیدمتینی نوامبرین بیرینده حیاتا کئچیرمیشدی.
‘‘صاباح’’: "Marella Dream"و" Amera" آدلی کرویز گمیلری آلانیا-دا لؤوبر سالدی
آنتالیانین آلانیا قصبه سینده مالتا بایراغی آلتیندا اوزن " "Marella Dream و باهاما بایراغی آلتیندا اوزن " Amera " آدلی کرویز گمیلرینی قبول ائدیب.
آلانیا لیمانیندا لؤوبر سالان کرویز گمیلری آلانیایا ایکی مینه ده ک توریست گتیریب.
توریستلر آلانیانین تانینمیش کوچه لرینی گزرک آلیش-وئریش ائدیبلر.
شهره گلن توریستلرین اکثریتینین آلمانیا و اینگیلتره وطنداشی اولدوغو بیلدیریلیر.
‘‘خبرتورک’’: یوفا عسگر سلامی ایله باغلی قرار وئردی.
تورکیه میللیسینین فوتبولچولارینین یورو -2020-نین سئچمه مرحلهسی چرچیوهسینده آلبانیا و فرانسا ایله کئچیریلن موسابیقه لرده عسگر سلامی وئرمسیله باغلی آراشدیرما یئکونلاشیب.
یوفا بونونلا باغلی "آی-اولدوزلولار"آ جزا وئرمگی مقصده اویغون حساب ائتمهییب. بونون احساسات دان ایرهلی گلن بیر ژست اولدوغو بیلدیرلیب.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.