تورکیه مطبوعاتی اؤزتی 12.11.2019
تورک علم اینسان‌لاری Bacillus آدلی باکتریلری پئت و نایلونون پارچالایابیلدیغینی تثبیت ائتدی
تورکیه مطبوعاتی اؤزتی 12.11.2019
حریت: "چاووش اوغلو: باریش پیناری حرکاتی فرانسانین تعادولون پوزدو
" تورکیه خاریجی ایشلر ناظیری مولوت چاووش اوغلو، تورکیه‌نین سوریه‌نین قوزئیینده بؤلوچو ترور تشکیلات‌لارینا قارشی ایجرا ائتدیگی باریش پیناری حرکاتین‌دان سونرا سس-کوی قوپدوغونو و تعادوللارین دییشدیگینی ایفاده ائتدی. چاووش اوغلو، آرتیق بیر ترور دولتی قورماق ایستییردی‌لر. بونون دا باشینی ایسرائیل و فرانسا چکیردی. فرانسا اونون آغری‌سینی هئچ بیر زامان اونودا بیلمه‌دی. 29 اوکتوبر جمهوریت بایرامی رسپسیون‌لاریمیزا دا بوتون دونیادا سفیرلرینی گؤندرمه‌دی. ایچلرینده ائله بیر آجی وار کی بو نیفرتی، بو خیال قیریق‌لیغینی داوام ائتدیریر.دئدی.
یئنی شفق: "شرق آغدنیزیده بویوک مانور" تورکیه‌نین ائو صاحب‌لیگی ایله، تورک دنیز گوج‌لری قوموتلیغی سؤوق و ایداره‌سینده تشکیل ائدیلن دوغوآغدنیزی-2019 دعوت مانوری15 اؤلکه‌دن 47 گمی و 4 مین 700 پرسونلین قاتیلیمی رئاللاشدیریلیر. چوخ میللت‌لی ایجرا ائدیلن مانور ایله دوست و موتتفیق اؤلکه‌لر آراسین‌داکی قارشی‌لیق‌لی چالیشابیلیرلیغی گلیشدیرمک و ناتویا اعلان ائدیلمیش تورک یوکسک حاضیرلیق سویه‌لی دنیز قوتی قرارگاهی‌نین اؤیردیلمه‌سی مقصد قویولور.
صاباح: "2020-جی ایلده 95 یئنی قویو آچیلا‌جاق" انرژی و طبیعی قایناق‌لار ناظیری فاتیح دؤنمز، تورکیه‌نین سون دؤورده آختاریش و قازما ایشلرینده جیدی بیر سرعت توتدوغونا دقت چکدی. 2019اون ایلک سککیز آیلیق دؤورونده خام نفت یوزده 5لیک، طبیعی گازدا ایسه یوزده 25لیک اوره‌تیم آرتیمی توتدوق‌لارینی ایضاح دؤنمز،2020ده تورکیه نفت‌لری طرفین‌دن دنیز ساحه‌لرینده 5، قورولاردا 85 و دیگرلری بیرلیکده عمومی 95 عدد آختاریش قویوسونون آچیلماسینی پلان‌لاش‌دیریریق دئدی.
ایستار: "تورک علم اینسان‌لاری Bacillus آدلی باکتریلری پئت و نایلونون پارچالایابیلدیغینی تثبیت ائتدی
"بورسا اولوداغ اونیورسیته (بوو) فن و ادبیات فاکولته‌سی بیولوژی بؤلومونده ائدیلن بیر آراشدیرمادا، نفت مصرف ائدن Bacillus نوعو باکتری‌لرین پئت (polietilen tereftalat) و نایلونون پارچالایابیلدیغی تثبیت ائدیلدی.
بوو بیولوژی بؤلومو مولکولئر بیولوژی آنا علم ساحه‌سی باشقانی دوکتور الیف دمیرکان، تورکیه تورپاقلاریندان تجرید ائتدیگیمیز یئرلی باکتری‌لرین بو قابیلیت‌لرینی بوتون دونیایا ائشیت‌دیرمک ایستییریک. قونونو اکولوژی و شهرسالما ناظیرلیگینه چاتدیراجاغیق.دئدی.
خبر تورک: "مصنوعی ذکایا ان چوخ تورکیه یاتیریم ائتدی"
تورکیه اؤز بؤلگه‌سینده مصنوعی ذکایا ان چوخ سرمایه قویان اؤلکه اولا‌راق اؤنه چیخدی. تخمینن 3.4 میلیارد دو‌لارلیق مصنوعی ذکا تکنولوژیسی ایله سون 10 ایلده مصنوعی ذکایا ان چوخ سرمایه قویان اؤلکه تورکیه اولدو. اؤلکه‌دکی شیرکت‌لرین یوزده 35-ی پیلوت مصنوعی ذکا تکنولوژی‌لرینی فعال اولا‌راق ایستیفاده ائتدیگی ایفاده ائدیلیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
