تورکیه مطبوعاتی اؤزتی 03.09.2019

تورکیه مطبوعاتی اؤزتی 03.09.2019

صاباح: "اردوغان آدلی ایل آچیلیشیندا بیلدیریب"

جمهور باشقانی رجب طیب اردوغان، دونن 2019-2020 آدلی ایل آچیلیشی موناسیبتیله بئش تپه میللت قورولتای و مدنیت مرکزینده کئچیریلن مراسیمده ائتدیگی چیخیشیندا، حقوق و آزادلیق‌لارین قورونماسی، اینکیشاف ائتدیریلمه‌سی، تأمینات وئریلمه‌سی اوچون هرطرف‌لی اینسان حاق‌لاری فعالیت پلانی حاظیرلادیق‌لارینی بیلدیریب.

یئنی شفق: " تورک سلاح‌لی گوج‌لری و میللی کشفیات تشکیلاتی‌‌ندان بیرگه عملیات"

تورک سلاح‌لی گوج‌لری و میللی کشفیات تشکیلاتی‌نین کووردیناسیونلو فعالیتی نتیجه‌سینده دونن عراقین قوزئین‌دکی هاکورک بؤلگه‌سینده تثبیت ائدیلن برلوچو ترور تشکیلاتی پ.ک.ک عضوو اولان 5 ترورچو هاوا حرکاتی ایله اؤلدورولوب.

حریت: "امینه اردوغان سال‌دا گؤلونو گزدی"

جمهور باشقانی رجب طیب اردوغانین خانیمی امینه اردوغان دونن، اطراف موحیط و شهرسالما ناظیری قوروم ایله بوردورداکی آغ ساحیل‌لری و تورکواز رنگی سببیله "تورکیه‌نین مالدیولری" کیمی مشهورلاشان سالدا گؤلونو گزیب ایشلر حاقیندا معلومات آلدی.

ایستار: "آغ سارایی دا واتیکانی دا تورک مرمری بزه‌ییر"

ایستانبول معدن ایخراجاتچی‌لاری بیرلیگی‌نین صدری ضیا دینچئر، دونیا طبیعی داش سکتوروندا تورکیه‌نین اؤنم‌لی بیر یئری اولدوغونو دئدی. کئیفیتی ایله دونیانین آپاریجی مرکزلرینده تورک طبیعی داشی ایستیفاده ائدیلدیگینی ایفاده ائدن دینچئر، "آمریکادا آغ ائو، واتیکان‌داکی سان پیترو کیلسه‌سی، اوسترالیا‌داکی دیسنیلندده اولالاردان بعضی‌لری" دئدی.

خبر تورک: "26. اولوسلار آراسی آسپندوس اوپرا و باله فستیوا‌لی کارمن ایله باشلادی"

آنتالیادا کئچیریلن 26-جی اولوسلار آراسی آسپندوس اوپرا و باله فستیوا‌لی‌نین آچیلیشی، فران‌سیز بسته‌کاری ژورژ بیزت‌ین "کارمن" آدلی اوپرا اثری ایله کئچیریلیب. فستیوال چرچیوه‌سینده 8 سپتامبردا آسپندوس صحنه‌سی، وین دولت اوپرا و باله‌سی بیرلیگی صنعتچی‌لری‌نین نوماییش ائتدیرجگی چایکووسکی‌نین سئهرلی "قو گؤلو" اثرینه ائو صاحب‌لیگی ائده‌جک. 12-13 سپتامبردا ایسه آنتالیا دولت اوپرا و باله‌سی طرفین‌دن "آییدا" اوپراسی آسپندوسدا قدیم مصری جانلان‌دیرا‌جاق. "ترویا" ائپیک اوپراسی دا، 16 سپتامبردا اکسپودا اولا‌جاق.