تورکیه مطبوعاتی اؤزتی 31.07.2019
یئنی شفق: "چاووش اوغلو: اس-400لر ناتو-یا قارشی بیر پروبلم تشکیل ائتمیر"
تورکیه مطبوعاتی اؤزتی 31.07.2019
یئنی شفق: "چاووش اوغلو: اس-400لر ناتو-یا قارشی بیر پروبلم تشکیل ائتمیر"
خاریجی ایشلر ناظیری مولود چاووش اوغلو، روسیادان اس-400 هاوا ساوونما سیستمینین آلینماسینا دایر، "اس-400لر ناتو-یا قارشی بیر پروبلم تشکیل ائتمیر. تورکیه بیر چوخ ساحهده ناتو-نون فعالیتینه تؤهفه وئریر". دئدی. بو مسئلهنین هئچ بیر ناتو ایجلاسیندا گوندمه گتیریلمدیگینی ده ایفاده ائدن چاووش اوغلو، اس-400 قبولونون تورکیه-ناتو علاقهلریندن چوخ تورکیه-آمریکا علاقهلرینی ماراقلاندیران بیر مسئله اولدوغونو وورغولادی.
خبر تورک: "براک آلبایراک: تورکیهیه اعتباراً یاتیریمچی قازاندی"
خزینه و مالیه ناظیری برات آلبایراک، ژوئن آییندا ایلک دفعه ایللیک جاری چوخ وئریلهجگینی. تورکیهنین بودجه و بوتون دیگر ایقتیصادی هدفلری باخیمیندان ایلین ایکینجی یاریسینین چوخ داها مثبت اولاجاغینی بیلدیریب. اؤلکهیه می آییندان بو یانا 10 میلیارد دولاردان چوخ خاریجی یاتیریمچی گیریشی اولدوغونو ایفاده ائدن آلبایراک: "تورکیهیه اعتباراً یاتیریمچی قازاندی". دئدی.
ایستار: "مالایزی، ساوونما صنایعسینی اینکیشاف ائتدیرمک اوچون تورکیه ایله امکداشلیق ائتمک مسئلهسینده ایستکلی"
مالزی ساوونما ناظیری محمد ساپی، پنانگ ایالتینده بیر اورتا مکتبده کئچیریلن تدبیره قاتیلدیقدان سونرا ژورنالیستلره وئردیگی آچیقلامادا، تورکیهنین ساوونما صنایعسیندکی ایرهلیلمهسیندن تعریفله بحث ائدیب. ساپی، مالزینین ساوونما صنایهسینی اینکیشاف ائتدیرمک اوچون تورکیه ایله امکداشلیق ائتمهیه هوسلی اولدوغونو دئدی.
حریت: "ان ساغلام شهرلر معلوم اولدو. تورکیهدن 5 یئر سیاهیدا"
آپاردیغی آراشدیرمالارلا معتبر یئر توتان معلومات بانکی نومبئو، ایلین اورتاسیندا ان ساغلام شهرلری آچیقلادی. تورکیهدن 5 اؤلکه سیاهییا گیردی. سیاهیدا بورسا، آنتالیا، ایزمیر، ایستانبول و آنکارا یئر آلدی. سیاهی یارادیلارکن شهرلردکی یاشیل ساحهلر، ایدمان تاسیسلرینین کئیفیتی، هاوا و سویون چیرکلنمهسی، اورتا حسابلا عمر گؤزلنتیسی، کؤکلوک نیسبتی و ایش - شخصی حیات تارازلیغی کیمی 10 موختلیف معیار تحلیل اولونور.
وطن: "ناظیر تورخان: چیندن لندنه قدر بیرباشا علاقه تامین اولونوب"
نقلیات و آلت یاپی ناظیری جاهیت تورحان، تورکیهنین، جبل الطاریق بوغازی ایله آتلانتیک اوقیانوسونا، سووئیز کانالی ایله عرب یاریماداسی و هیند اوقیانوسونا، تورک بوغازلارینین قارادنیز-آغدنیز باغلانتیسی ایله آوراسیا و اوزاق شرقه اوزانان نقلیات شبکهسینین تام اورتاسیندا اولدوغونو دئدی. تورکیهنین لوجیستیک نقطهسینده طبیعی پایگاه موقعیتینده اولدوغونو قئید ائدن تورحان، چینی آوروپایا بیرلشدیرهجک دمیر یولو خطینین ان اؤنملی ترکیبی اولان باکی-تیفلیس-قارص دمیر یولو خطی و باغلانتیلارینی باشا ووردوقلارینی بیلدیرهرک، بو سایهده اؤلکهنین ایستراتژیک موقعیتینی داها گوجلو ائتدیکلرینی سؤیلهدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.