تورکیه مطبوعاتی اؤزتی 03.04.2019
ایسرائیلین باشکندی تل-آویودن موغلانین بودروم منطقهسینه ایلک چارتر اوچوشو باشلادی
تورکیه مطبوعاتی اؤزتی 03.04.2019
صاباح: " آفت و عاجل وضعیت رهبرلیگیندن موزامبیک چادیرکئنت"
آفت و عاجل وضعیت رهبرلیگی باشقانلیغی ایله تورک قیزیل آی، ایدای قاسیرغاسینین ووردوغو موزامبیکده ائوسیز قالانلار اوچون کمکه قوشدو. آفت و عاجل وضعیت رهبرلیگی اکیپلری، فلاکتدن ان چوخ تأثیرلنن شهر اولان بریا یاخینلیغینداکی تیکادا چادیرکنت یارادیلیب. تورک قیزیل آی دا قاسیرغانین ائوسیز قویدوغو 233 عائلهیه ارزاق یاردیمی پایلاییب.
حرّیت: "ایلک اوچوش کئچیریلیب"
ایسرائیلین باشکندی تل-آویودن موغلانین بودروم منطقهسینه ایلک چارتر اوچوشو باشلادی. میلاس-بودروم هاوا لیمانیندا، تل-آویودن مؤوسومون ایلک چارتر رئیسی ایله گلن توریستلر، قرنفیللرله قارشیلانیب. کورندون هاوا یوللاری ایله گلن ایسرائیل و فیلیسطینلی 180 توریسته هاوا لیمانی چیخیشیندا لوکوم ایکرام ائدیلدی و قرنفیللر وئریلیب.
یئنی شفق: "آنتالیا توریزمی یاریم میلیونو کئچیب"
آنتالیایا 2019ون ایلک اوچ آیی عرضینده گلن اجنبی توریستلرین ساییسی اؤتن ایلین عینی دؤورونه گؤره یوزده 25لیک آرتیملا 571 مین 207 اولوب. ایلک یئری آلمانلار، ایکینجی یئری ایسه روسلار آلدی. آنتالیادا 2019 ایلی اوچون 15 میلیون اولان خاریجی توریست هدفی 16 میلیونا چیخدی. یئرلی توریستده ایسه 5 میلیون مقصدی گودولور.
ایستار: "جنوبی کورهلی فوتوغراف و بلوکرلر آدییامان فوتوغرافلا-دی"
National Geographic Travelerلرین فوتوغرافلاری و تانینمیش بلوکرلرین ایچینده اولدوغو 8 نفرلیک جنوبی کوره اکییبی آدییامان گئدهرک شهرین تاریخی و گؤرمهلی یئرلرینی گزدی. اکیب، بیرلشمیش میللتلر تحصیل، علم و مدنیت تشکیلاتی (یونسکو) دونیا مدنیت میراثی لیستهسینده یئر آلان نمرود داغی باشدا اولماقلا پره آنتیک شهر، اسکی کاهتا قالان، جندره کؤرپوسو، آرسمیا اؤرن یئری و کاراکوش تومولوس-ونو گزدی. بلوکر و فوتوغرافلار خصوصیله قار آلتینداکی نمرود داغینداکی هیکللره حئیران قالدی.
وطن: "یاووز سلطان سلیم کؤرپوسو گؤیه بوروندو"
ایستانبولداکی یاووز سلطان سلیم کؤرپوسو، 2 آوریل اوتیزم فرقیندلیک گونونه دقت چکمک اوچون دونن آخشام ماوی ایشیقلارلا ایشیقلاندیریلیب. یاووز سلطان سلیم کؤرپوسو و شمالی چئوره اوتو یولونو تیکن و ایشلهدن شیرکت، بیرلشمیش میللتلرین اوتیزم-ین سرعتلی آرتیمی قارشیسیندا توپلومون دقتینی چکمک اوچون اعلان ائتدیگی 2 آوریل اوتیزم فارقیندلیک گونو شخصینده کئچیریلن ماوی ایشیق یاندیر (Light It Up Blue) کامپانیاسینی دستکلدیگینی آچیقلاییب.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.