تورکیه مطبوعاتی اؤزتی 28.3.2019
صاباح: "آلتون: پ.ک.ک-یا آغیر بیر ضربه ائندیردیک"
تورکیه مطبوعاتی اؤزتی 28.3.2019
صاباح: "آلتون: پ.ک.ک-یا آغیر بیر ضربه ائندیردیک"
تورکیه پرزیدنتلیک ایرتیباطات باشقانی فخرالدین آلتون، توئیتر حسابیندان، میللی کشفیات تشکیلاتی و تورکیه سیلاحلی گوجلری بیرگه عملیاتیندا، بؤلوچی ترور تشکیلاتی پ.ک.ک-نین چتهباشی جمیل باییک ان یاخین آداملاریندان رضا آلتون و برابریندکیلر قندیله ائدیلن هاوا حرکاتی تاثیرسیز حالا گتیریلمهسینه دایر پایلاشیم ائتدی. آلتون، "پ.ک.ک-لی ترورچو رضا آلتون و یانینداکیلار امنیت گوجلریمیزین اوغورلو هاوا حرکاتی وورولدو. دولتیمیز ترورلا موباریزهده حماسه یارادیر." قیمتلندیرمهسینی کئچیریب.
خبر تورک: "ناظیر پکجان: بوتون ایداری ایشلرین الکترونیکی ائدیلدیغی کاغیذسیز ایخراجات پروقرامینا کئچیریک"
ایخراجدا بوتون ایشلرین الکترونیک شرایطده ائدیلدیغی پروقراما کئچیلیر. تیجارت ناظیری روحسار پکجان، ایخراجاتدا یئنی دؤور باشلادیغینی بیلدیریب. بوتون ایشلرین الکترونیک شرایطده ائدیلدیغی کاغیذسیز ایخراج ائدیلمهسینه باشلانیلاجاغینی بیلدیرن پکجان بئلهلیکله چوخ بؤیوک بیر دییشیکلیک کئچیرهجکلرینی بیلدیریب.
حرّیت: "آلمان بؤیوک شیرکتی ایستانبول هاوا لیمانی سفرلرینه باشلاییر"
آلمان هاواجیلیق قروپو لوفت هانزا، 7 آوریل اعتباریله تورکیه اوچوشلارینی ایستانبول هاوا لیمانیندان حیاتا کئچیرمهیه حاضیرلاشیر. شیرکتدن وئریلن معلوماتا گؤره، ایستانبول هاوا لیمانینین اولوسلار آراسی هاوا یوللاری اوچون اوپراسیونل حالا گلمهسینین آردیندان، لوفت هانزا، آتاتورک هاوا لیمانیندان یئنی آدرسه داشیناجاق. یئنی هاوا لیمانینی ایستیفاده ائدن لوفت هانزا یولجولاری اوچون طریفه، قیمت، هاوا ساحهسینین اوچ حرفلی " IST " قیسالتماسی و دیگر ایمکانلار عینی درجهده اعتبارلی اولاجاق.
ایستار: "یاردیملارینا تورکیه قاچدی"
تورکیه دیانت وقفی، سوریهده ایچ ساواشدان ضرر چکن 40 میندن چوخ یئتیم معاینه ائدیب. تورکیه دیانت وقفی، ایکی ایل اوّل باشلادیغی پروقراملا سوریهده ایچ ساواشی سببیندن ساغلیق ایمکانلارینا نایل اولمایان یئتیملری، تورکیهدن گئدن کؤنوللو دوکتورلار واسطهسی ایله هفته سونلاری ساغلیق کونترولدان کئچیریر. تشخیصلردن سونرا یئتیملره خستهلیکلرینه گؤره پولسوز درمان چاتدیریلیر.
یئنی شفق: " ATAK برزیلده شوو ائتدی"
لاتین آمریکاسینین ان بؤیوک ساوونما صنایعسی سرگیسینده سرگییه چیخاجاق اولان تی-129 سالدیری هلیکوپتری ایلک اوچوش نوماییشینی برزیل فوردا ریجاردو چیرکلی قارا هاواجیلیق قوموتانلیغیندا حیاتا کئچیریب. برزیل مطبوعاتی اوچوش تاماشاسیندا چوخ ماراق گؤستررکن، مراسیمه قاتیلبان برزیللی پیلوتلار و نیظامی پرسونل، ایکی اؤلکه پیلوتلارینین برابر ایستیفاده ائتدیکلری T129 Atak هلیکوپترینین و چیخیش نوماییشینی دقت و هیجانلا ایزلهدیلر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.