تورکیه مطبوعاتی اؤزتی 15.03.2019
"پیلوتلاریمیز، باخیم پرسنلیمیز آمریکادا تعلیم آلماغی داوام ائتدیریر"
حریت: "باخان چاووشاوغلودان بروکسلده اؤنملی آچیقلامالار"
بلژیکین باشکندی بروکسلده دونن آوروپا بیرلیگی و بیرلشمیش میللتلر (بمت) طرفیندن گئچیریلهن "سوریهنین و بؤلگهنین گلهجگینین دستکلهنمهسی" کنفرانسینین آچیلیش چیخیشینی ائدن خاریجی ایشلر باخانی مؤولود چاووشاوغلو، "آستانا پروسهسی، شدتی آزالتما و سیاسی پروسهنی اینکیشاف ائتدیرمه باخیمیندان ملموس قاتقیلار وئرمیشدیر. بیرگه ایشلریمیز نتیجهسینده آنایاسا کمیتهسینین یارادیلماسینین سون مرحلهسینه گلمهسی تامین اولونموشدور" دئدی.
خبر تورک: "باخان آخاردان اف-۳۵ آچیقلاماسی"
میللی ساوونما باخانی خولوصی آخار، اف-۳۵ ساواش اوچاقلارینین آمریکا بیرلشمیش دؤولتلریندن تورکیهیه نوامبر آییندا تسلیم ائدیلمهسینین گؤزلندیگینی سؤیلهدی. آخار، "بیر سیرا آچیقلامالار اولماسینا باخمایاراق اف-۳۵ حاضردا نورمال گؤرونور. پیلوتلاریمیز، باخیم پرسنلیمیز آمریکادا تعلیم آلماغی داوام ائتدیریر" دئدی
یئنی شفق: "عدالت باخانی گولدن آوروپا پارلمانینین قرارینا سرت تپکی"
عدالت باخانی عبدالحمید گول، آوروپا پارلمانی ۲۰۱۸ تورکیه راپورونا دایر، "تورکیهیه قارشی اؤن یارغیلارلا دولو بو راپور تاریخه، آوروپانین بالذات اؤز دگرلرینه یادلاشماسی سندی اولاراق گئچهجک" دئیه دانیشدی. باخان گول، "بیر طرفدن دموکراسی، اینسان حاقلارینا سونسوز اؤوگولر ائدرکن، دیگر طرفدن دموکراسییه قصد ائدنلره، حقوق و آزادلیقلاری یاشادان اجتماعی سیستمه ساواش آچانلارا آرخا چیخماق، تاریخی بیر ضدیتدیر" ایفادهسینی ایشلتدی.
استار: "جساونون باش کمانچیسی صوفیادا صحنه آلدی"
جمهورباشقانلیغی سمفونیک اورکستری (جساو) باش کمانچیسی ژولیده یالچین، بولقاریستانین باشکندی صوفیادا صحنه آلدی. بولقاریا هولدا رهبر سویلن سیمئونووون یؤنتیمینده صوفیا سینفونیتا اورکسترینین حیاتا گئچیردیی کونسرتده، وولفگانگ آمادئوس موتسارت و یوزف هایدندن اثرلر ایجرا ائدیلدی.
صاباح: "۲ مین ۳۰۰ ایللیک مدنیت میراثی"
سامسونون بافرا ائلچهسینده هلنیستیک چاغدا اینشا ائدیلهن آسارقالا و قایا مزارلاری، بؤیوک ماراق گؤرور. ان چوخ ایلگینی ایسه ۲ مین ۳۰۰ ایللیک پافلاگونیا دؤورونه عاید قبیرلر چکیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.